«قالانىڭ دامۋ جولى اياسىندا, ءار اۋداننىڭ ءوز ورتالىعى, ءوز ساياباعى, ءوز ەمحانالارى, ءوز مەكتەپتەرى بولۋى قاجەت. سوندىقتان بولاشاقتا ءار اۋداننان «شىمكەنت سيتي» سەكىلدى ۇلكەن جاڭا, زاماناۋي شاعىن اۋداندار سالامىز. جاڭا قۇرىلىسقا ينۆەستورلاردى تارتۋ جۇمىستارىنا اۋدان اكىمدەرى دە اتسالىسۋى كەرەك. حالىق ورتالىققا قاراي ەمەس, قاجەتتىسىن ءوز اۋدانىنان شىقپاي-اق تابا ءبىلۋى ءتيىس», دەدى قالا باسشىسى.
قالا اكىمىنىڭ توراعالىعىمەن وتكەن ينۆەستيتسيالىق شتاب وتىرىسىندا ينۆەستيتسيا پوتەنتسيالى بار جوبالاردىڭ ماسەلەلەرىن شەشۋ جايى قارالدى. ينۆەستورلارمەن zoom پلاتفورماسى ارقىلى بايلانىسقا شىققان قالا باسشىسى شىمكەنتتە ينۆەستورلار ءۇشىن بارلىق جاعداي جاسالاتىنىن ايتىپ ءوتتى.
«شىمكەنت – ينۆەستيتسياعا قولايلى قالا. بىزدە ارنايى ەكونوميكالىق ايماق پەن بىرنەشە يندۋستريالدى ايماق بار. قوسىمشا جاڭا يندۋستريالدى ايماقتاردىڭ قۇرىلىسى جۇرگىزىلۋدە. ونىڭ ءبىرى – «جۇلدىز» يندۋستريالدى ايماعى. مۇندا قۇرىلىس, مەتاللۋرگيا, فارماتسەۆتيكا, جيھاز ونەركاسىبى شوعىرلانادى. ەلۋدەن استام كاسىپورىن قۇرىلادى. سونىمەن بىرگە ءبىز جوبالاردى ء«بىر تەرەزە» قاعيداتى بويىنشا تولىق قولداپ, كەدەندىك سالىقتىق رەجيم, تەگىن جەر تەلىمى, مەملەكەتتىك قولداۋ جانە دايىن ينفراقۇرىلىم قاراستىرعانبىز», دەدى قالا باسشىسى.
سونىمەن قاتار اكىم قۇرىلىسى اياقتالۋعا جاقىن اگرس-3 اۆتوماتتاندىرىلعان گاز ستانتسياسى پايدالانۋعا بەرىلگەندە قالا تۇرعىندارىمەن قاتار كاسىپكەرلىك سالاسى100 پايىز ساپالى كوگىلدىر وتىنمەن, ال, «بوزارىق» قوسالقى ستانتسياسى ىسكە قوسىلعاندا ەلەكتر قۋاتىنا قول جەتكىزەتىنىن اتاپ ءوتتى.
بۇگىندە شىمكەنت قالاسىندا 2021-2025 جىلدارعا ارنالعان قۇنى 3 تريلليون تەڭگە شاماسىندا بولاتىن 210 جوبادان تۇراتىن پۋل قۇرىلدى. بۇل جوبالارمەن 14 مىڭنان استام جاڭا جۇمىس ورنى قۇرىلاتىن بولادى. الداعى بەس جىلدا جۇزەگە اساتىن جوبالاردىڭ 99 ونەركاسىپ سالاسى بولسا, 25-ءى اۋىل شارۋاشىلىعى باعىتىندا. بۇدان بولەك, ءبىلىم سالاسىندا 20, دەنساۋلىق بويىنشا 9, ساۋدا بويىنشا 15, تۋريزم سالاسىندا 8, تۇرعىن ءۇي قۇرىلىسى بويىنشا 31 جانە كولىك جانە كوممۋنالدىق قىزمەتتەر اياسىندا 3 يۆەستجوبا بار.
شتاب وتىرىسىن قورىتىندىلاعان مۇرات ايتەنوۆ ينۆەستيتسيالىق كەلىسىمدەر جاساسۋ جونىندە شەشىمدەر قابىلداۋدىڭ نەگىزگى ورتالىعى – ينۆەستيتسيالىق شتاب بولاتىنىن جەتكىزدى. جانە شتاب وتىرىسىندا كوتەرىلگەن ماسەلە, حاتتاماعا ەنگىزىلىپ, ونىڭ ورىندالۋى ءجىتى باقىلاۋعا الىنۋى ءتيىس دەدى.
