«جۇمىس بابىنا ساي ۇيرەنۋىمە تۋرا كەلدى. سەبەبى, ءوزىم نەگىزىن سالىپ, جەتەكشىلىك ەتىپ كەلە جاتقان قازاق تاعامتانۋ اكادەمياسى سوناۋ 1979 جىلدىڭ وزىندە الەمدە العاشقى بولىپ دۇنيەجۇزىلىك دەنساۋلىق ساقتاۋ ۇيىمىمەن ىنتىماقتاستىق اياسىندا ەڭبەك ەتەتىن ورتالىق اتاندى, ال 1997 جىلى بىرىككەن ۇلتتار ۇيىمى ۋنيۆەرسيتەتىمەن ىنتىماقتاستىق ورتالىعى بولدىق. اتالعان ۇيىمدارمەن بىرگە كوپتەگەن حالىق ءۇشىن الەۋمەتتىك ماڭىزدى مەديتسينالىق-دەموگرافيالىق عىلىمي-زەرتتەۋ جۇمىستارىن اتقاردىق.
وسىلايشا, ءتۇرلى ءىسساپارلار بارىسىندا, كەلگەن دەلەگاتسيالارمەن تىلدەسۋ قاجەت بولعاندىقتان, مەن اعىلشىن ءتىلىن ءبىر ادامداي مەڭگەرۋگە مۇقتاج بولدىم. مىسالى, 2005 جىلى ددۇ اسسامبلەياسىنىڭ مىنبەسىنەن, بارشا الەمدىك مەديتسينالىق قاۋىمداستىقتىڭ الدىندا اعىلشىن تىلىندە ءسوز سويلەدىم. ءتۇرلى القالى جيىنداردى اعىلشىن تىلىندە باسقارىپ, شەتەلدىك ارىپتەستەرمەن ەركىن سويلەسە الامىن.
توقساندى القىمداعان مەنىڭ شەت ءتىلىن مەڭگەرىپ العاندىعىمدى كورگەن جاستاردىڭ دا ءتىل ۇيرەنۋگە, ءبىلىم-عىلىمعا دەگەن قۇلشىنىسى زور بولۋى ءتيىس دەگەن ويدامىن», دەدى تورەگەلدى شارمان ۇلى .
