قوعام • 01 ءساۋىر، 2021

Nur Otan مينيسترلەرمەن ونلاين-كەزدەسۋلەر ۇيىمداستىرادى

كارانتيندىك شەكتەۋلەردى ەسكەرە وتىرىپ، مينيسترلىكتەر مەن ۆەدومستۆولاردىڭ باسشىلارى ازاماتتاردىڭ جەكە قابىلداۋلارىن ونلاين فورماتتا وتكىزەدى، دەپ حابارلايدى Egemen.kz.

Marzhan Tileubekova

2 ساۋىردە ازاماتتاردى قابىلداۋدى سىرتقى ىستەر ءمينيسترىنىڭ ءبىرىنشى ورىنباسارى شاحرات نۋرىشەۆ باستايدى. 7 ساۋىردە - ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اكمادي سارباسوۆ، 8 ساۋىردە – باس پروكۋروردىڭ ورىنباسارى ەرلىك كەنەنباەۆ، 9 ساۋىردە - اقپارات جانە قوعامدىق دامۋ ءمينيسترى ايدا بالاەۆا، 13 ساۋىردە - قارجى ءمينيسترى ەرۇلان جاماۋباەۆ، 14 ساۋىردە - اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ، 16 ساۋىردە - ادىلەت ۆيتسە-ءمينيسترى ازامات امىرعاليەۆ، 21 ساۋىردە - ءبىلىم جانە عىلىم ۆيتسە-ءمينيسترى شولپان كارينوۆا، 23 ساۋىردە - دەنساۋلىق ساقتاۋ ءمينيسترى الەكسەي تسوي، 28 ساۋىردە - ىشكى ىستەر ءمينيسترىنىڭ ورىنباسارى ارىستانعاني زاپپاروۆ جانە 30 ساۋىردە - يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ ازاماتتاردى قابىلدايدى.

كەزدەسۋگە جازىلۋ ءۇشىن:

Call-ورتالىق: 8 800 080 4441 (قازاقستان بويىنشا قوڭىراۋ شالۋ تەگىن);
WhatsApp: 8 700 800 4441;
[email protected]

ايتا كەتۋ كەرەك، وتكەن جىلى «Nur Otan» پارتياسىنا بۇكىل ەل بويىنشا 393،2 مىڭنان استام ءوتىنىش تۇسكەن. سونىمەن قاتار سوڭعى 5 جىل ىشىندە پارتياعا 1،2 ميلليون ادام جۇگىندى، ونىڭ ىشىندە 423 مىڭنان استامى - ونلاين فورماتتا. ونىڭ 92% وڭ شەشىمىن تاپتى، اقىسىز كونسۋلتاتسيالار، زاڭدىق جانە باسقا دا كومەك كورسەتىلدى.

تالداۋ كورسەتكەندەي، حالىقتى نەگىزىنەن الەۋمەتتىك قامسىزداندىرۋ - 30%، تكش - 16%، تۇرعىن ءۇي - 15%، ەڭبەك داۋلارى - 14%، قۇرىلىس - 9%، ءبىلىم بەرۋ - 9%، مەديتسينالىق قىزمەت - 7% ماسەلەلەرى الاڭداتادى.

پارتيانىڭ ءباسپاسوز قىزمەتى حابارلاعانداي، «حالىققا كومەك» جوباسى اياسىندا رەسپۋبليكالىق قوعامدىق قابىلداۋ بولمەسىندە زاڭگەرلەرمەن، ادۆوكاتتارمەن، مەدياتورلارمەن جانە نوتاريۋستارمەن اقىسىز كونسۋلتاتيۆتى ونلاين كەزدەسۋلەر ۇيىمداستىرىلدى. وعان تومەندە كورسەتىلگەن تەلەفون نومىرلەرى ارقىلى جازىلۋعا بولادى.