«كونۆەنتسيانى راتيفيكاتسيالاۋ باس بوستاندىعىنان ايىرۋمەن بايلانىستى ەمەس قىلمىستىق جازاعا تارتىلعان ازاماتتاردى ءوز ەلىندە جازاسىن وتەۋ مۇمكىندىگى مەن الەۋمەتتىك وڭالتۋعا, سونداي-اق جاڭا قىلمىستاردىڭ الدىن الۋعا جانە قىلمىسقا قارسى كۇرەستىڭ تيىمدىلىگىن ارتتىرۋعا ىقپال ەتەتىن بولادى», دەدى سەناتور رىسقالي ابدىكەروۆ.
بۇل ەرەجە «تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ باس بوستاندىعىنان ايىرۋمەن بايلانىستى ەمەس جازالاردى ورىنداۋدى بەرۋ تۋرالى كونۆەنتسياسىن راتيفيكاتسيالاۋ تۋرالى» زاڭدا جازىلعان.
قر ءىىم اقپاراتى بويىنشا, قازىرگى ۋاقىتتا قازاقستاننىڭ 280 ازاماتى مۇنداي جازانى تمد ەلدەرىندە, ونىڭ ىشىندە 251 ادام – رەسەيدە, 24-ءى وزبەكستاندا, 3-ءۋى بەلارۋستە جانە 2-ەۋى قىرعىزستاندا وتەپ جاتىر.
قابىلدانعان زاڭعا سايكەس, ءبىزدىڭ ەلىمىز ءوز كەزەگىندە, قازاقستاندا سوتتالعان تمد ەلدەرىنىڭ ازاماتتارىنا, سونداي-اق جازانىڭ قالعان بولىگىن ءوز وتانىندا وتەۋگە مۇمكىندىك بەرۋى ءتيىس. قازىر تمد ەلدەرىنىڭ 447 ازاماتى پروباتسيا بويىنشا ءبىزدىڭ ەلىمىزدە ءجۇر.
ەگەر سوت شەشىمىمەن مەديتسينالىق سيپاتتاعى ماجبۇرلەۋ شارالارى تاعايىندالسا, جازا رەتىندە ايىپپۇل نەمەسە م ۇلىكتىك سيپاتتاعى وزگە دە جازا, سونداي-اق تاركىلەۋ بەلگىلەنگەن بولسا كونۆەنتسيانىڭ ەرەجەلەرى قولدانىلمايدى.
