بيىل «الماتى جاستارى» قالالىق تۇرعىن ءۇي باعدارلاماسى اياسىندا 1000 پاتەر بەرىلەدى. باعدارلاماعا قاتىسۋ ءۇشىن 9 741 ءوتىنىم بەرىلگەن. وتىنىشتەردىڭ باسىم بولىگى ءبىلىم, دەنساۋلىق ساقتاۋ, ىشكى ىستەر ورگاندارىنىڭ قىزمەتكەرلەرىنەن ءتۇستى.
ەسكە سالا كەتەيىك, جىلجىمايتىن م ۇلىك نارىعىندا باعانىڭ وسۋىنە بايلانىستى بۇل جولى نەسيەگە 18 ميلليون تەڭگە بەرىلەدى. ال پايىزدىق مولشەرلەمە 5 پايىز, باستاپقى جارنا 10 پايىز بولادى.
باعدارلاماعا جاسى 35-كە تولماعان جاستار قاتىسا الادى. وتباسىندا تەك ءبىر ادامنىڭ ءوتىنىشى قابىلدانادى. ءوتىنىش بەرۋشىنىڭ كۇيەۋىنىڭ نەمەسە ايەلىنىڭ جاس ەرەكشەلىگى ەسكەرىلمەيدى. سونداي-اق وتباسىنىڭ سوڭعى بەس جىلدا باسپاناسى بولماۋى ءتيىس جانە جىلجىمايتىن م ۇلىككە مۇراگەر بولماۋى كەرەك.
«الماتى جاستارى» باعدارلاماسىنا قاتىسۋشىلاردىڭ سوڭعى 6 ايداعى زەينەتاقى جارناسى بولۋى نەمەسە ەڭ از دەگەندە جارتى جىل الماتىدا جەكە كاسىپكەر رەتىندە تىركەلۋى كەرەك.
