شارشى الاڭدا 24 كەزدەسۋ وتكىزىپ, بارلىعىندا جەڭىسكە جەتكەن (17 نوكاۋت) جانقوش تۇراروۆ وزىنە تيەسىلى ءبىرىنشى ورتا سالماقتاعى WBO Inter-Continental نۇسقاسىنىڭ التىن بەلبەۋىن ساقتاپ قالۋ ءۇشىن ۇلىبريتانيالىق تايرون ماككەنمەن كۇش سىناسادى. تۇماندى البيون ەلىنىڭ وكىلى دە وسال بوكسشى ەمەس. ول وسى كۇنگە دەيىن 24 مارتە رينگكە شىعىپ, 21 رەت (6 نوكاۋت) مەرەيى ۇستەم بولدى. ەكى جەكپە-جەكتە ۇتىلىپ, تاعى ءبىر باسەكەدە تەڭ ءتۇستى.
سونداي-اق, دۋبايداعى كاسىپقوي بوكس كەشىندە تۇرسىنباي قۇلاحمەت تە (2-0, 1 كو) ءوز ونەرىن ورتاعا سالادى. قانداسىمىز كۇنى بۇگىنگە دەيىن قارسىلاس شىداتپاي كەلگەن ۆەنەسۋەلالىق ەبەر روندونمەن (20-0, 13 كو) جۇدىرىقتاسادى.
