ساياسات • 31 ناۋرىز، 2021

كوكتەمگى ەگىسكە دايىندىق پىسىقتالدى

270 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا كوكتەمگى ەگىس جۇمىستارىنا دايىندىق بارىسى قارالدى. شارۋالاردىڭ ەگىس ناۋقانىنا دايىن­دىعى تۋرالى اۋىل شارۋاشىلىعى ءمي­نيسترى ساپارحان وماروۆ، جانار-جاعار­ماي ماتەريالدارىمەن قامتاماسىز ەتىلۋى تۋرالى ەنەرگەتيكا ءمينيسترى نۇر­لان نوعاەۆ، وڭىرلەردەگى احۋال تۋرا­لى تۇركىستان وبلىسىنىڭ اكىمى ومىر­زاق شوكەەۆ، قوستاناي وبلىسىنىڭ اكىمى ارحيمەد مۇحامبەتوۆ، سولتۇستىك قازاق­ستان وبلىسىنىڭ اكىمى قۇمار اقسا­قالوۆ، اقمولا وبلىسىنىڭ اكىمى ەرمەك مارجىقپاەۆ باياندادى.

ينفوگرافيكانى جاساعان امانگەلدى قياس، «ەQ»

فورۆاردتىق ساتىپ الۋ تىزبەسى 9 داقىلعا دەيىن كەڭەيتىلدى

اۋىل شارۋاشىلىعى ءمي­نيسترى س.وماروۆتىڭ ايتۋىن­شا، مي­نيسترلىك مەملەكەت باسشى­سى­نىڭ تاپسىرمالارىن ورىن­داۋ ماقساتىندا ەگىس الاڭ­دارىن ءار­تاراپتاندىرۋ جانە رەن­تابەل­دىلىگى جوعارى داقىلداردى وندىرۋگە كوشۋ جۇمىسىن جالعاستىرىپ جاتىر. ماسەلەن، 2021 جىلى اۋىل شا­رۋاشىلىعى داقىل­دارىن 22،8 ملن گەكتارعا ەگۋ جوس­پار­لانعان. بۇل 2020 جىلعا قاراعاندا 0،8%-عا كوپ. ونىڭ ىشىندە ءداندى جانە ءدان­دى-بۇرشاقتى داقىلداردى 15،8 ملن گەكتار القاپقا ەگۋ جوسپارلانۋدا.

مايلى داقىلداردىڭ بولجامدى الاڭى – 3 ملن گەكتار.  بۇل وتكەن جىلعى دەڭگەيدەن 63 مىڭ گەكتار­عا كوپ. ازىقتىق داقىلدار 3،4 ملن گەكتاردى قۇرايدى. كوكونىس-باق­شا داقىلدارىنىڭ الاڭى وتكەن جىل­عى­دان 16 مىڭ گەكتارعا اسىپ، 280 مىڭ گەكتاردى قۇرايدى.

«بيىل 10 ناۋرىزدا وبلىس­تار اكىمدىك­تەرى مەن قارجى ينس­تي­­­تۋت­تارىنىڭ قاتى­سۋى­مەن كوك­تەمگى دالا جۇمىستارىن جۇر­گىزۋ­گە دايىندىق ماسەلەسى جونىندە كە­ڭەس وتكىزىلدى. وندا جەرگىلىكتى ات­قارۋ­شى ورگان­داردىڭ الەۋمەتتىك ماڭى­زى بار داقىل­دار الاڭدارىن ۇلعاي­تۋ ماسەلەسىنە ءجىتى كوڭىل بول­مەي وتىر­عانى اتاپ ءوتىلدى. كەڭەس قورى­­تىن­دىسى بويىنشا وبلىستىق اكىم­­دىك­تەرگە قاراقۇمىق، كارتوپ الاڭ­­دارىن ۇلعايتۋ قاجەتتىگى تۋرا­لى حات­تار جىبەرىلدى. ماسە­لەن، جەر­گىلىكتى اتقارۋشى ورگان­دار­عا قارا­قۇمىق­تىڭ بۇرىن جوسپار­لانعان الا­ڭىن 89 مىڭ گەكتاردىڭ ورنىنا 103 مىڭ گەكتارعا دەيىن، كارتوپتى 197 مىڭ گەكتار ورنىنا 209 مىڭ گەكتار­عا دەيىن ۇلعايتۋ ۇسىنىلدى» دەدى س.وماروۆ.

بيىل 29 ناۋرىزداعى جاعداي بو­يىنشا الماتى، جامبىل، قىزىل­وردا جانە تۇركىستان وبلىس­تارىندا اۋىل شارۋا­شىلىعى دا­قىل­دارى ەگىلىپ جاتىر. اتاپ ايت­قاندا، 67،7 مىڭ گەكتارعا جاز­دىق ما­ساقتى ءداندى داقىلدار، 6،5 مىڭ گەك­تارعا كارتوپ; 10،3 مىڭ گەك­تارعا كوكونىس داقىلدارى، 18،7 مىڭ گەكتارعا كوپجىلدىق شوپتەر ەگىلدى. وبلىستار اكىمدىكتەرىنىڭ اق­پاراتى بويىنشا، بۇگىنگى كۇنى 2،4 ملن توننا تۇقىم سەبىلگەن، بۇل جوسپاردىڭ 100،2%-ىن قۇرايدى.

2021 جىلى تۇقىم شارۋاشى­لى­­عىن قولداۋعا 11،8 ملرد تەڭگە ءبولىن­دى، بۇل مينەرالدى تىڭايت­قىش­­تاردى قولدانۋدى 3،3%-عا ارت­تىرۋ­عا مۇمكىندىك بەرەدى. وبلىس­تار اكىم­دىكتەرىنىڭ جەدەل اقپاراتى بويىنشا بۇگىنگى كۇنى رەسپۋبليكا دي­قاندارىنا كوكتەمگى دالا جۇمىستارىن جۇرگىزۋ ءۇشىن 117،6 مىڭ توننا مينەرالدى تىڭايتقىش جەتكىزىلگەن.

«بۇگىنگى تاڭدا الماتى، جام­بىل، قوستاناي جانە تۇركىستان وبلىس­تارىندا سۋبسيديالاۋعا وتىنىم­دەر قابىلدانۋدا. جاقىن ارا­لىقتا باتىس قازاقستان جانە سول­تۇستىك قازاقستان وبلىستارىندا وتىنىمدەر قابىلداۋ باستا­لا­دى. قالعان وڭىرلەردە سۋبسي­­ديا­لار تىزبەلەرى مەن نورما­­لارىن بەكى­تۋ جۇ­مىستارى اياقتالۋ­عا جاقىن» دەدى اۋىل شارۋاشىلىعى ءمينيسترى.

2021 جىلعا پەستيتسيدتەردى سۋبسي­­ديا­لاۋعا وبلىستاردىڭ جەر­گى­لىكتى بيۋدجەت­تەرىن­دە 30،6 ملرد تەڭگە كوزدەلگەن، بۇل پەستي­­تسيد­­تەردى ساتىپ الۋدى 15،8%-عا ارت­­تىرۋعا جانە قولايلى فيتو­ساني­تار­لىق جاع­داي­دى قامتاماسىز ەتۋگە مۇمكىندىك بەرە­دى. ەگىس ناۋ­قانىن جۇرگىزۋ ءۇشىن اۋىل شارۋا­­شىلىعى قۇرالىمدارىندا 141،7 مىڭ تراكتور، 73،2 مىڭ تۇقىمسەپكىش، 221،2 مىڭ توپىراق وڭدەۋ قۇرالى بار. ءبىر مەزگىلدە بىرنەشە تەحنولوگيالىق وپەراتسيا­نى ورىندايتىن قازىرگى زامانعى ەگىس كەشەندەرى 4،3 مىڭ بىرلىككە دەيىن ۇلعايدى. بۇعان اۋىل شارۋا­شىلىعى تەحنيكاسىن ساتىپ الۋ كەزىندەگى مەملەكەتتىك قولداۋدىڭ ءتيىمدى شارالارى ىقپال ەتتى. «قازاگروقارجى» اق اقپاراتى بويىنشا بيىل جىل باسىنان بەرى 24 ملرد تەڭگە سوماسىنا 1 112 تەحنيكا، ونىڭ ىشىندە 458 تراكتور، 28 كومباين جانە 626 وزگە دە تەحنيكا قارجىلاندىرىلدى.

بيىل 29 ناۋرىزداعى جاع­داي بويىنشا كوكتەمگى دالا جۇ­مىس­تارىن جۇرگىزۋگە اۋىل شارۋاشى­لىعى تەحنيكاسىنىڭ دا­يىن­دىعى 97%-دى قۇرايدى. تەحنيكانى دايىنداۋ جوسپارلى رەجىمدە جۇزەگە اسىرىلىپ جاتىر. جاپپاي جۇمىس جۇرگىزۋ الدىندا تەحنيكا دايىندىعى 100%-عا جەتۋى ءتيىس.

بيىل ەنەرگەتيكا مينيسترلىگى­نىڭ كەلى­سى­مىمەن ەگىس جۇمىستارىن جۇرگىزۋ ءۇشىن اقپان-ماۋسىم ايلارىنا شامامەن 380 مىڭ توننا ديزەل وتىنى ءبولىندى.  قازىر­گى ۋاقىتتا وبلىستاردىڭ وپەراتورلارى مۇناي وڭدەۋ زاۋىتتارىمەن شارتتار جاسا­سۋ جانە ديقاندار ءۇشىن ديزەل وتىنىن تيەپ-جونەلتۋ راسىمدەرىن جۇرگىزۋدە. گرا­فيكتىڭ قولدانىلۋ كەزەڭىندە اۋىل شارۋا­شىلىعى مينيسترلىگى ەنەرگەتيكا مينيسترل­ىگىمەن بىرلەسىپ وڭىرلەرگە مۇناي وڭدەۋ زاۋىتتارىنان ديزەل وتىنىنىڭ تيەپ-جونەلتىلۋىنە كۇن سايىن مونيتورينگ جۇرگىزەدى.

كوكتەمگى دالا جۇمىستارىن جۇر­گىزۋگە شاما­مەن 116،8 ملرد تەڭ­گە كرەديتتىك رەسۋرس­ت­ار ءبولىندى، ونىڭ ىشىندە اگروونەر­كاسىپ­تىك كەشەن سۋبەكتىلەرىن قولداۋ جونىن­دەگى ءىس-شارالاردى جۇرگىزۋ ءۇشىن «اگ­رارلىق نەسيە كورپوراتسياسى» اق رەسپۋبليكالىق بيۋدجەتتەن كوك­تەمگى ەگىس جانە ەگىن جيناۋ جۇ­مىس­تارىن جۇرگىزۋگە 70 ملرد تەڭگە كولەمىندە بيۋدجەتتىك كرەديت ءبولدى.

بۇگىندە «كەڭ دالا» باعدارلا­ما­سى شەڭبەرىندە 48،6 ملرد تەڭ­گە سوماسىنا 1 326 اۋىل شارۋا­شىلىعى تاۋارىن ءوندىرۋشى قار­جى­لاندىرىلدى. تاعى 562 اۋىل شا­رۋاشىلىعى تاۋارىن ءون­دىرۋ­شى 10،6 ملرد تەڭگە سوماسىنا قار­جى­لاندىرىلۋ ساتىسىن­دا. سونى­مەن قاتار «اۋىل شارۋاشىلىعىن قار­جىلاي قولداۋ قورى» اق كرەديتتەر كولەمى 6 ملن تەڭگەدەن اسپايتىن كوك­تەمگى دالا جۇمىستارىن جۇر­گىزۋدى قار­جى­لاندىراتىنىن دا اتاپ ءوتۋ قاجەت. بۇگىن­گى تاڭدا 60-تان استام ۇساق اۋىل شارۋا­شى­لى­عى تاۋارىن وندىرۋشىگە 370 ملن تەڭگەدەن استام قاراجات بەرىلدى.

سونداي-اق ازىق-ت ۇلىك كەلىسىم­شارت كورپوراتسياسى اۋىل شارۋا­شىلىعى ونىمدەرىن فورۆاردتىق ساتىپ الۋدى جۇزەگە اسىرادى. جوسپارلانىپ وتىرعان ساتىپ الۋ سوماسى 45،3 ملرد تەڭگەنى قۇرايدى. بۇگىنگى تاڭدا 14،3 ملرد تەڭگە سوماسىنا 74 اۋىل شارۋاشىلىعى تاۋارىن ءوندىرۋشى قارجىلاندىرىلدى. بيىل فورۆاردتىق ساتىپ الۋ شەڭ­بەرىندە ساتىپ الىناتىن ونىمدەر تىزبەسىندە اۋىل شارۋاشىلىعى داقىلدارى 4-تەن 9-عا دەيىن كەڭەي­تىلگەنىن اتاپ وتكەن ءجون. ماسەلەن، الەۋمەتتىك ماڭىزى بار ازىق-ت ۇلىك تاۋارلارىن ءوندىرۋ جانە ازىقتىق بازانى نىعايتۋ ءۇشىن بيدايمەن جانە ارپامەن بىرگە، قاراقۇمىققا، كۇنباعىسقا جانە باسقا دا مايلى داقىلدارعا كەلىسىمشارتتار جاسالادى.

 

قاجەتتى ديزەل وتىنى بولىنەدى

ەنەرگەتيكا ءمينيسترى نۇرلان نو­­عاەۆ­­تىڭ ايتۋىنشا، 2021 جىل­عى كوك­تەمگى ەگىس جۇمىستارىن جۇر­گىزۋ ماق­ساتىن­دا ەنەرگەتيكا مينيستر­لىگى اۋىل شارۋاشىلىعى مينيسترلىگىمەن بىرلەسىپ، «2021 جىلعى دالا جۇمىستارىنا ديزەل وتىنىن جەتكىزۋ بويىنشا وب­ل­ىستاردى مۇناي وڭدەۋ زاۋىت­تارىنا  بەكىتۋ كەستەسىن» ازىر­لەدى. وسى كەستە شەڭبەرىندە اۋىل شا­­رۋاشىلىعى تاۋارىن وندىرۋ­شىلەرگە ارنالعان قاجەتتىلىك 379 مىڭ توننا كولەمىندە بەكىتىلدى. بيىل 29 ناۋرىزداعى جاعداي بويىنشا، اتالعان كەستەنى ىسكە اسىرۋ بارىسى تومەندەگىدەي: اقپان ايىندا جوسپارلانعان 16،6 مىڭ توننانىڭ 14،8 مىڭ تونناسى، ياعني 89،6%-ى تيەپ-جونەلتىلدى، ناۋرىز ايىندا جوس­پارلانعان 115،7 مىڭ توننانىڭ 50،3 مىڭ تون­ناسى، ياعني 43%-ى تيەپ-جونەلتىلدى، سونى­مەن قاتار كەستە بويىنشا ءساۋىر ايىن­­دا 107 مىڭ توننا، مامىر ايىن­دا 125،4 مىڭ توننا جانە ماۋ­سىم ايىن­­دا 15 مىڭ توننا تيەپ-جونەل­تۋ جوسپ­ارلانىپ وتىر. تيەپ-جونەل­تۋ تولەمگە سايكەس جۇرگىزىلۋدە.

«2021 جىلعى كوكتەمگى ەگىس جۇمىس­تارى­نا ارنالعان ديزەل وتىنىنىڭ باعا­سى پاۆلودار  مۇ­ناي-حيميا زاۋىتى مەن شىم­كەنت مۇناي وڭدەۋ زاۋىتىندا 1 تونناسى ءۇشىن 174 مىڭ تەڭگەنى، ال اتىراۋ مۇناي وڭدەۋ زاۋىتىندا 1 تونناسى ءۇشىن 172 مىڭ تەڭگەنى قۇرايدى (ققس-تى قوسا العاندا، FCA شارتتارىندا)» دەپ اتاپ ءوتتى ەنەرگەتيكا ءمينيسترى.

اۋىل شارۋاشىلىعى قاجەتتى­لىگىنە ارنالعان ديزەل وتىنىنىڭ قۇنى جانار-جاعارماي نارىعىنا قا­تىسۋشىلارمەن كەلىسۋ بويىنشا انىقتالادى جانە ونى مۇ­ناي ونىمدەرىنىڭ رەسۋرس يەلەرى ءوز ەركى­مەن بەلگىلەيدى. مينيستر­لىك­تىڭ باعا­لاۋى بويىنشا، اۋىل شا­رۋاشىلىعى تاۋارىن وندىرۋشىلەر ءۇشىن ديزەل وتى­نىنىڭ باعاسى اۆتوجانارماي قۇيۋ ستانساسىنىڭ بولشەك ساۋدا باعاسىنان ليترىنە 15-20 تەڭگەگە تومەن بولادى دەپ كۇتىلۋدە.

ماسەلەنى ۇكىمەت باسشىسى اسقار مامين قورىتىندىلادى. «كوك­تەمگى ەگىس جۇمىستارىن ساپا­لى ءارى ۋاقتىلى جۇرگىزۋ ەلدىڭ ازىق-ت ۇلىك قاۋىپسىزدىگىن قام­تا­ماسىز ەتۋدىڭ ماڭىزدى فاك­تور­لارى­نىڭ ءبىرى. بىلتىر پاندە­ميا­عا قاراماستان ەگىس جۇ­مىستارى وتە جوعارى دەڭگەيدە جۇر­گىزىل­دى. اگرو­تەحنولوگيالار ءدال ساق­­تا­لىپ، تىڭايتقىشتار مەن وسىم­دىك­تەر­دى قورعاۋ قۇرالدارى ۋاقتى­لى سا­لىن­دى. بۇل مول استىق جي­ناۋ­عا مۇم­كىندىك بەردى.  بيىل ۇكى­مەت كوك­تەمگى ەگىستى قارجىلاي جانە ماتە­ريالدىق-تەحنيكالىق قام­تا­ماسىز ەتۋ بويىنشا بارلىق قاجەت­تى شەشىمدەردى قابىلدادى» دەدى ول.

پرەمەر-مينيستر ەكولوگيا مي­­نيستر­­­لىگىنە اۋىل شا­رۋا­شى­لىعى مي­نيسترل­ىگى­مەن جانە اكىم­دىكتەرمەن بىر­لە­سىپ، رەسپۋب­لي­كانىڭ وڭتۇستىك وڭىر­لەرىن­­دەگى اۋىل شارۋاشىلىعى ءونىمىن وندىرۋ­شىلەردى سۋارمالى سۋمەن، ونىڭ ىشىندە ۇزاقمەرزىمدى پەرسپەكتيۆادا تۇراقتى قام­تاماسىز ەتۋ بويىنشا شارالار قابىل­داۋدى تاپسىردى. وڭىرلەردىڭ اكىم­دەرىنە اۋىل شارۋاشىلىعى ءونىمىن وندىرۋ­شىلەر ءۇشىن تىزبەلەر مەن سۋبسيديا­لار نور­ما­لارىن بەكىتۋ جۇمىسىن ءبىر اپتا ىشىن­دە اياقتاۋ، ەنەرگەتيكا مي­نيسترلىگىنە بەكىتىلگەن كەستە مەن باعالار بويىنشا ەگىس جۇمىس­تارىن جۇرگىزۋ ءۇشىن ديزەل وتى­نى­نىڭ قاجەتتى كولەمىن جەتكىزۋ­دى قام­­­تاماسىز ەتۋ تاپسىرىلدى. «اۋىل شارۋا­شىلىعى مينيسترلىگى وب­لىس­تاردىڭ اكىم­دىك­تەرىمەن بىر­لەسىپ، ەگىس الاڭدارىنا جۇر­گى­زىلىپ جاتقان ءارتاراپتاندىرۋ شەڭ­بەرىن­دە الەۋمەتتىك ماڭىزى بار ازىق-ت ۇلىك تاۋارلارىن ءوندىرۋ كولەمىن ارتتىرۋعا ەرەكشە نازار اۋدارسىن» دەدى ا.مامين.

 

سولتۇستىك قازاقستانعا 2 ترلن تەڭگە ينۆەستيتسيا تارتىلادى

ۇكىمەت وتىرىسىندا سولتۇستىك قازاق­ستان وبلىسىنىڭ 2025 جىلعا دەيىنگى الەۋمەتتىك-ەكونوميكالىق دامۋىن­ىڭ كە­شەندى جوسپارى قارال­دى. بۇل ماسەلە تۋرالى ۇلت­تىق ەكونوميكا ءمينيسترى اسەت ەر­عاليەۆ، يندۋستريا جانە ين­فرا­­قۇ­رىلىمدىق دامۋ ءمينيسترى بەيبىت اتام­قۇلوۆ، اۋىل شارۋاشى­لىعى ءمينيسترى ساپارحان وماروۆ، ساۋدا جانە ينتە­گراتسيا ءمينيسترى باقىت سۇلتانوۆ، ەڭبەك جانە حالىقتى الەۋمەتتىك قورعاۋ ءمي­نيسترى سەرىك شاپكەنوۆ، دەنساۋلىق ساقتاۋ ءمينيسترى الەكسەي تسوي، ءبىلىم جانە عىلىم ءمينيسترى اسحات اي­ما­عام­بەتوۆ، سول­تۇستىك قازاق­ستان وب­لىسىنىڭ اكىمى قۇمار اقساقالوۆ بايانداما جاسادى.

مەملەكەت باسشىسى قاسىم-جومارت توقاەۆتىڭ تاپسىرماسى بو­يىنشا سول­تۇستىك قازاقستان وبلى­سىنىڭ الەۋمەتتىك-ەكونومي­كالىق دامۋىنىڭ كەشەندى جوسپارى جاڭارتىلدى. قۇجات ءتورت نەگىزگى باعىت – ينۆەستيتسيالىق جوبا­لار، تۇرعىن ءۇي جانە ينفراقۇ­رىلىم، الەۋمەتتىك سالا، قوعام­دىق قۇقىقتىق ءتارتىپتى جانە ازا­ماتتىق قورعانىستى قامتاماسىز ەتۋ بويىنشا 80-نەن استام ءىس-شارا­نى جۇزەگە اسىرۋدى قامتيدى. جاڭار­تىلعان كەشەندى جوسپاردا ينۆەستيتسيالاردىڭ جالپى كولەمى شامامەن 2 ترلن تەڭگەنى قۇرايدى، ونىڭ باسىم بولىگى – جەكە ينۆەستيتسيالار. بۇل جاڭا جوبالاردى ىسكە اسىرۋعا، ساپالى جۇمىس ورىندارىن قۇرۋعا جانە ءوڭىر ەكونوميكاسىنىڭ جاڭا قۇ­رىلىمىن قالىپتاستىرۋعا مۇم­كىندىك بەرەدى.

الدىن الا باعالاۋ بويىنشا كەشەندى جوسپاردى ىسكە اسىرۋ وڭدەۋ ونەركاسىبى مەن اۋىل شارۋاشىلىعى ونىمدەرى كولەمىن 1،5 ەسە ۇلعايتۋعا، جالپى وڭىرلىك ءونىمنىڭ ءوسۋ قارقىنىن 5،2%-عا دەيىن قامتاماسىز ەتۋگە ىقپال ەتە­دى. جاڭا ءوسۋ نۇكتەلەرى پايدا بولادى، وبلىستىڭ ينفراقۇرى­لى­مى جاقسارادى. ماسەلەن، اوك سالاسىندا 52 تاۋارلى ءسۇت فەرماسىن، 3 بورداقىلاۋ الاڭىن، 2 قۇس فابريكاسىن، قۇراما جەم زاۋى­تىن، جىلىجاي كەشەنىن، باسقا دا نىسان سالۋ جوسپارلانۋ­دا. ونەركاسىپتە CLAAS اۋىل شارۋا­شىلىعى تەحنيكاسىنىڭ ءوندى­رىسىن، John Deere سەرۆيس ورتالى­عىن جەرگىلىكتەندىرۋ، «اقسوراڭ» جانە «بايان» ۆولفرام-موليبدەن كەندەرىنىڭ كەن ورىندارىن يگەرۋ، سونداي-اق ready-built factory ءتيپى بويىنشا تاۋ-كەن مەتال­لۋرگيا كومبيناتىن جانە جاڭا وندىرىستىك الاڭدار سالۋ كوزدەل­گەن. وڭىردە «قىزىلجار» ساۋدا-لو­گيس­تيكالىق حابى قۇرىلا­دى. ەلى­مىزدىڭ اكىمشىلىك ورتالىق­تارى­مەن ىسكەرلىك بەلسەندىلىكتى دا­مىتۋ ءۇشىن اۋە رەيستەرىنىڭ سا­نى ايىنا 16-دان 68-گە دەيىن ۇلعايا­دى. تۋريستىك الەۋەتتى كۇشەي­تۋ جانە سپورتتى دامىتۋ ماق­سا­تىن­دا يمانتاۋ-شال­­قار كۋرورت­تىق ايماعىندا كوپ­­فۋنك­­تسيونال­دى تۋريستىك كەشەن، پەترو­پاۆل قالا­سىندا 3 مىڭ ورىن­­­دىق سپورت سارايى سالىنادى. سول­تۇستىك قازاق­ستان وبلى­سى­نىڭ ەلدى مەكەندەرى­نىڭ تۇرعىن ءۇي، ين­­­­جە­نەرلىك-كوم­مۋ­ني­­كا­­تسيالىق، تسيفر­لى جانە كولىك ينف­را­قۇ­رى­لى­مىن دامىتۋ جالعاسادى.

وبلىستىق كوپسالالى اۋرۋحانانى سالۋمەن قاتار، وڭىردە 47 مە­دي­تسينالىق نىساندى پايدا­­لا­نۋ­عا بەرۋ جوسپارلانعان. ەرەك­شە ءبىلىم الۋ قاجەتتىلىگى بار بالا­لار­عا ارنالعان 400 ورىندىق تۇزە­تۋ مەكتەپ-ينتەرناتى جانە 16 مەك­تەپ سالىنادى. نازارباەۆ ۋني­ۆەر­سيتەتىنىڭ تاجىريبەسى بويىن­شا جوعارى وقۋ ورنىن، سونداي-اق اكادەميالىق كوشباسشى ورتا­لى­عىن قۇرۋ جوسپارلانۋدا.  

ء«وڭىر الەۋمەتتىك-ەكونومي­كا­لىق دامۋى ءۇشىن جاڭا يمپۋلسكە يە بولادى. 26 مىڭ بىلىكتىلىگى جوعارى جۇمىس ورنى اشى­لادى. حالىق­تىڭ ءومىر ءسۇرۋ ساپاسىن جاق­سارتۋ وڭىردەگى كوشى-قون ۇردىستەرىن تۇراق­تان­­­دىرۋعا مۇمكىندىك بەرىپ، جاستار­دىڭ تۇ­را­ق­تاۋى مەن مامانداردىڭ كەلۋىنە قوسىم­شا جاعداي جاساي­دى. بۇعان ءبىلىم بەرۋ مەن دەنساۋ­لىق ساقتاۋ سالالارىن بەل­سەندى دامىتۋ سەپتىگىن تيگىزەدى» دەدى اتال­عان ماسەلەنى قورىتىندىلاعان پرەمەر-مينيستر.

ۇكىمەت باسشىسى ءتيىستى مەملە­كەتتىك ورگاندار مەن ءوڭىر باس­شىلىعىنا سولتۇستىك قازاقستان وبلىسىنىڭ 2025 جىلعا دەيىنگى الەۋ­مەتتىك-ەكونوميكالىق دا­مۋى­نىڭ بەكىتىلگەن كەشەندى جوس­­پارىنىڭ ءىس-شارالارىنىڭ ۋاق­تىلى جانە ساپالى ورىندالۋىن قامتاماسىز ەتۋدى تاپسىردى.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار