ءىس-شاراعا قر اقدم ازاماتتىق قوعام ىستەرى كوميتەتىنىڭ توراعاسى ماديار قوجاحمەت, «ازاماتتىق باستامالاردى قولداۋ ورتالىعى» باسقارما توراعاسى ليما دياس, «اقتوبە وبلىسىنىڭ ۇكىمەتتىك ەمەس ۇيىمدار قاۋىمداستىعى» زتب گرانت الۋشىلاردىڭ پرەزيدەنتى ايگۇل دۇيسەنوۆا, سونداي-اق جوبانىڭ ساراپشىلارى مەن مەنەدجەرلەرى قاتىستى.
م.قوجاحمەت گرانت الۋشىلارعا ساتتىلىك تىلەپ, بيىلعى جىل - ەل تاۋەلسىزدىگىنىڭ 30 جىلدىعىن اتاپ ءوتتى, سوندىقتان ۇەۇ-عا مەملەكەتتىك گرانتتار ءبولۋ بويىنشا مەملەكەت جۇرگىزىپ جاتقان جۇمىستاردىڭ ەرەكشە ءمانى بار.
ليما دياس اۋىلداعى باستامالاردى قولداۋ سالاسىنداعى ازاماتتىق باستامالاردى قولداۋ ورتالىعىنىڭ قىزمەتى تۋرالى ايتىپ, بىلاي دەدى: «وتكەن جىلى گقو جوبالارى اياسىندا ەلىمىزدىڭ بارلىق وڭىرلەرىندە ءتۇرلى جوبالار ىسكە اسىرىلدى. اعىمداعى جىلى ءبىز اۋىل تۇرعىندارىن قولداۋدى جالعاستىرامىز. بۇل جوبا اۋىلدىق اۋماقتاردى دامىتۋعا وڭ ۇلەس قوساتىنىنا سەنىمدىمىن», دەدى ل.دياس.
ءوز كەزەگىندە ايگۇل دۇيسەنوۆا گرانت الۋشىنىڭ الدىندا تۇرعان جوبا, ماقساتتار مەن مىندەتتەر تۋرالى ايتىپ بەردى.
بريفينگ بارىسىندا 500 مىڭ تەڭگەدەن 60 شاعىن گرانت ءبولۋ ارقىلى اۋىلدىق باستامالاردى دامىتۋ جانە اۋىل حالقىنىڭ تسيفرلىق, قارجىلىق ساۋاتتىلىعىن ارتتىرۋ سالاسىنداعى كوشباسشىلاردى انىقتاۋ جوسپارلانىپ وتىرعانى ايتىلدى.
گرانتتار 5 باعىت بويىنشا بولىنەدى:
«اۋىل حالقىنىڭ تسيفرلىق ساۋاتتىلىعى»,
«اۋىل حالقىنىڭ قارجىلىق ساۋاتتىلىعى»,
ء«بىلىم بەرۋ سالاسىندا شەت تىلدەرىن ءبىلۋ دەڭگەيىن ارتتىرۋ»,
«دەنساۋلىق ساقتاۋ سالاسىندا شەت تىلدەرىن ءبىلۋ دەڭگەيىن ارتتىرۋ»,
«دەنە شىنىقتىرۋ جانە سپورت سالاسىندا شەت تىلدەرىن ءبىلۋ دەڭگەيىن ارتتىرۋ».
