ەلوردا • 30 ناۋرىز، 2021

21 كۇن بويى «قىزىل بەلدەۋدە»: التاي كولگىنوۆ ماڭىزدى مالىمدەمە جاسادى

280 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا كوروناۆيرۋسپەن كۇرەس قالاي ءجۇرىپ جاتقانىن ءمالىم ەتتى، دەپ حابارلايدى ەلوردا اكىمدىگىنىڭ رەسمي سايتى.

«ەلوردا – 21 كۇن بويى «قىزىل بەلدەۋدە». سوڭعى كۇندەرى تاۋلىگىنە 400-گە جۋىق ىندەتكە شالدىعۋ جاعدايى تىركەلىپ وتىر. بالالار مەن زەينەتكەرلەر اراسىندا ينفەكتسيا جۇقتىرۋ جيىلەدى. ينفەكتسيالىق ستاتسيونارلارداعى توسەك-ورىن جۇكتەمەسى 65%-كە جەتتى. پتر-زەرتتەۋمەن تۇرعىنداردى قامتۋ ءۇشىن قالادا 24 زەرتحانا جۇمىس ىستەپ جاتىر. ولاردىڭ تاۋلىكتىك قۋاتى – 12 مىڭنان استام.

مەديتسينا قىزمەتكەرلەرى، ءتارتىپ ساقشىلارى، مۇعالىمدەر، ەرىكتىلەر مەن باسقا دا قالا تۇرعىندارى – كوروناۆيرۋسپەن كۇرەستە ءبىر جىلدان استام ۋاقىت بويى الدىڭعى شەپتە كەلەدى. وكىنىشكە قاراي، كەيبىر قالا تۇرعىندارى كوروناۆيرۋستى جەڭە المادى.

كۇن سايىن ناۋقاستار رەانيماتسياعا ءتۇسىپ جاتىر. كوپشىلىگىنىڭ دەنساۋلىق جاعدايى وتە اۋىر دەپ باعالانىپ وتىر. بۇل ۆيرۋستى جەڭۋ وڭاي ەمەس. ادامداردىڭ ءومىرى مەن دەنساۋلىعىنا نۇقسان كەلتىرەتىن ۆيرۋس.

بارشا تۇرعىننان ساق بولۋدى، ءوز دەنساۋلىعىمىز بەن اينالاداعىلارىمىزدىڭ دەنساۋلىعىنا نەمقۇرايدى قاراماۋدى سۇرايمىن. سىرتقا شىققان سوڭ اينالاڭىزداعى ادامدارعا قاراڭىز. بىرەۋدىڭ سانيتاريا نورمالارىن ساقتاماۋى باسقالاردىڭ دەنساۋلىعىنا، ءتىپتى ومىرىنە اسەر ەتۋى مۇمكىن. بارشاڭىزدى سانيتارلىق-ەپيدەميولوگيا تالاپتارىن قاتاڭ ساقتاۋعا شاقىرامىن: ماسكا تاعىپ، ادام كوپ جينالاتىن ورىندارعا بارماۋ كەرەك.

جىل باسىنان باستاپ ۆاكتسيناتسيا باستالدى. ءبىرىنشى بولىپ ۆيرۋسپەن كۇرەستە الدىڭعى شەپتە جۇرگەن مەديتسينا، پوليتسيا قىزمەتكەرلەرى، مۇعالىمدەر ۆاكتسينا الدى. حالىقتى ۆاكتسينالاۋ ءساۋىر ايىنىڭ ورتاسىنان باستالادى دەپ جوسپارلاپ وتىرمىز. ۇجىمدىق يممۋنيتەت ارقىلى عانا ۆيرۋستى جەڭۋگە بولادى.

قازىر قالادا بىرقاتار قوسىمشا كارانتيندىك شەكتەۋلەر قابىلداندى. بۇل كوروناۆيرۋستىڭ تارالۋ قاۋپىن ازايتۋعا، ازاماتتاردى قورعاۋعا مۇمكىندىك بەرەدى»، دەپ جازدى ەلوردا اكىمى.

سوڭعى جاڭالىقتار

قازاقستاننىڭ ەكسپورت كولەمى ارتتى

ەكونوميكا • بۇگىن، 09:52

پلەي-وففتان تىس قالدى

فۋتبول • بۇگىن، 08:43

ءۇشىنشى ورىنعا كوتەرىلدى

سپورت • بۇگىن، 08:40

ۇزدىك تورتتىكتىڭ قاتارىندا

تەننيس • بۇگىن، 08:39

مىڭعا جۋىق بالانى كەنە شاقتى

ايماقتار • بۇگىن، 08:34

اۋرۋحانانىڭ جاڭا كورپۋسى اشىلادى

مەديتسينا • بۇگىن، 08:30

قاڭعىباس مىسىقتان قاۋىپ كوپ

قوعام • بۇگىن، 08:25

تسيفرلاندىرۋ جۇمىسىمەن تانىستى

ايماقتار • بۇگىن، 08:15

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

ۇقساس جاڭالىقتار