ايماقتار • 29 ناۋرىز، 2021

الماتىدا 94-تەگى سىرقاتتىڭ جۇرەگىنە يمپلانت سالىندى

48 رەت كورسەتىلدى

الماتىداعى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا 94 جاستاعى پاتسيەنتكە ەندوۆاسكۋليارلىق اورتا قاقپاقشاسى يمپلانتتالدى، دەپ حابارلايدى Egemen.kz

«ەلىمىزدىڭ تۇرعىندارىنا كارديولوگيالىق كومەك كورسەتۋدى جاقسارتۋ ءۇشىن ءبىزدىڭ ينتەرۆەنتسيالىق كارديولوگتار، رەنتگەنحيرۋرگتار بىلتىردان بەرى اورتا قاقپاقشاسىن ەندوۆاسكۋليارلىق يمپلانتتاۋ بويىنشا جوعارى تەحنولوگيالىق كارديولوگيالىق وپەراتسيالاردى ءساتتى جاساپ جاتىر»، ­- دەيدى كارديولوگيا جانە ىشكى اۋرۋلار عزي باسقارما توراعاسى، پروفەسسور، مەديتسينا عىلىمىنىڭ دوكتورى، جوعارى ساناتتى دارىگەر روزا قۋانىشبەكوۆا.

روزا توحتاناليقىزىنىڭ ايتۋىنشا، 2 مەرەكە كۇندەرىندە اورتا قاقپاقشاسىن اۋىستىرۋ بويىنشا كارديوحيرۋرگيالىق وپەراتسيالار جاساۋعا قارسى كورسەتىمدەرى بار 94، 83 جانە 78 جاستاعى 3 پاتسيەنتكە وتا جاسالدى. «بۇل پاتسيەنتتەردە كەنەتتەن بولاتىن ءولىم قاۋپى وتە جوعارى.  جاڭا مۇمكىندىكتەر مەن يننوۆاتسيالىق تاسىلدەردىڭ ارقاسىندا پاتسيەنتتەردىڭ ءومىرىن ساقتاپ قالىپ، ۇزارتىپ جانە جاقسارتۋعا مۇمكىندىگىمىز بار»، - دەدى كلينيكانىڭ ءبىرىنشى باسشىسى.

وپەراتسيالاردى كىا عزي رەنتگەنوپەراتسيا جاساۋ بلوگىنىڭ مەڭگەرۋشىسى الەكسەي كولەسنيكوۆ،  رەنتگەنحيرۋرگ المات قالجانوۆ جانە كارديوحيرۋرگ تيمۋر يبراگيموۆ نۇر-سۇلتان قالاسى ۇلتتىق عىلىمي كارديوحيرۋرگيالىق ورتالىعىنىڭ جەتەكشى دارىگەرلەرى – ينتەرۆەنتسيالىق كارديولوگيا جانە راديولوگيا ءبولىمىنىڭ باسشىسى سەرىك الىمباەۆ جانە دارىگەر ابدۋراشيد مۇساەۆپەن بىرلەسىپ جاسادى.

پاتسيەنتتىڭ ءبىرى 1927 جىلى تۋعان – 94 جاستاعى ۆالەنتين ني باسىندا قۋىق استى بەزىنىڭ ادەنوماسى كەزىندە قۋىق ارتەريالارىنىڭ ەندوۆاسكۋليارلىق ەمبوليزاتسياسى بويىنشا وپەراتسيا جاساۋعا قاتىستى كونسۋلتاتسيا الۋعا كەلگەن. ول كىسى سونداي-اق ءتىپتى از قيمىل جاساعاننىڭ وزىندە قاتتى ەنتىگىپ، كەۋدەسى قىسىپ اۋىراتىندىعىنا شاعىمدانعان. ەمدەلۋگە دەيىنگى كەزەڭدە تولىعىمەن تەكسەرىلىپ، وسىدان كەيىن جۇرە پايدا بولعان جۇرەك كەمىستىگى – اورتا قاقپاقشاسىنىڭ كۇردەلى ستەنوزى انىقتالدى. اورتا قاقپاقشاسىن ەندوۆاسكۋليارلىق يمپلانتتاۋ بويىنشا جاسالعان وپەراتسيا ءساتتى ءوتتى. وپەراتسيادان كەيىنگى كەزەڭ دە ءساتتى بولدى. جان ساقتاۋ بولىمشەسىندە پاتسيەنت 12 ساعاتتاي بولىپ، بۇگىنگى تاڭدا ءوزىن جاقسى سەزىنەدى، اۋرۋحانادان شىعۋعا دايىندالۋدا.

ۆالەنتين حاكسۋنوۆيچ كلينيكا باسشىسىنا جانە مەديتسينا پەرسونالىنا كلينيكادا كورسەتىلگەن قامقورلىق پەن كاسىبي كومەك ءۇشىن ءوز العىسىن ءبىلدىردى جانە وسىنداي اۋىر ەڭبەك جولىندا مەديتسينا قىزمەتكەرلەرىنە دەنساۋلىق پەن كۇش-قۋات تىلەدى.

 

 

الماتى

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار