ايماقتار • 28 ناۋرىز، 2021

اقتوبە وبلىسى «سارى ايماقتا» تۇر

73 رەت كورسەتىلدى

كوروناۆيرۋس ينفەكتسياسىنىڭ تارالۋى بويىنشا  22 ناۋرىزدان  باستاپ «سارى» ايماققا كىرگەن اقتوبە وبلىسىندا كۇن ساناپ ينفەكتسيا جۇقتىرعاندار قاتارى كوبەيىپ كەلەدى، دەپ حابارلايدى Egemen.kz Oبلىستىق سانيتاريالىق- ەپيدەميولوگيالىق دەپارتامەنتتىڭ مالىمەتىنە سۇيەنە وتىرىپ.

27 ناۋرىز كۇنى ءبىر تاۋلىكتە كۆي-مەن اۋىرعان 62  ناۋقاس تىركەلدى. ونىڭ ىشىندە اۋرۋ سيمپتومدارى بار – 42 (اقتوبە قالاسى – 38، مارتوك اۋدانى - 1، ويىل اۋدانى – 3)، سيمپتومسىز – 20 (اقتوبە قالاسى – 16، قوبدا اۋدانى - 1، مارتوك اۋدانى - 1، ويىل اۋدانى – 1، شالقار اۋدانى -1) جاعداي انىقتالدى. وسىلايشا قازىرگى كەزدە وبلىستا اۋرۋشاڭدىقتىڭ ءوسۋ دەڭگەيى 1،3%-دى قۇرادى.

وتكەن جىلى اقتوبە وبلىسىندا  كوروناۆيرۋس  ينفەكتسياسى تۇڭعىش رەت 27 ناۋرىزدا ەگيپەتتەن چارتەرلىك رەيسپەن ۇشىپ كەلگەن جىگىتتەن انىقتالعان ەدى. سول ۋاقىتتان باستاپ وسى كەزگە دەيىن وڭىردە  كۆي-مەن اۋىرعان 5020 ناۋقاس تىركەلدى، ونىڭ ىشىندە 54،7%-ى اۋرۋ بەلگىلەرىمەن (2746) جانە 45،2%-ى سيمپتومسىز (2274) جاعداي. 4488 (89،4%) ناۋقاس جازىلىپ شىقتى.

جالپى تىركەلگەن 5020 ناۋقاستىڭ 3،1% -ى (157) سىرتتان اكەلىنگەن، 16،5%-ى (830) اۋرۋ اداممەن قارىم-قاتىناستا بولعاندار، 80،3% (4033) جەرگىلىكتى جاعدايلار، ونىڭ ىشىندە 30%-ى (1210) پروفيلاكتيكالىق ماقساتتا تەكسەرىلگەندەر. قازىرگى تاڭدا 941 تۇرعىن ءۇي كارانتينگە الىنىپ، ولارعا مەديتسينالىق باقىلاۋ جۇرگىزىلۋدە.

«قاۋىپ سەيىلگەن جوق. سوندىقتان بارشاڭىزدى بەتپەردە تاعۋعا، قولدى ءجيى جۋىپ، انتيسەپتيكتەردى پايدالانۋعا، الەۋمەتتىك قاشىقتىقتى ساقتاۋعا شاقىرامىن. ءتۇرلى مەرەكەلىك ءىس-شارالاردى، سونىڭ ىشىندە تويلار مەن وتباسىلىق جيىنداردى وتكىزۋگە تىيىم سالىنعانىن وبلىس تۇرعىندارىنا تاعى دا ەسكەرتەمىز»، دەدى وڭىرلىك كوممۋنيكاتسيالار قىزمەتىندە وتكەن بريفينگتە  سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى نۇرسۇلۋ بەركىمباەۆا. 

قازىرگى كەزدە كارانتيندىك شارالاردى ساقتاۋدى  باقىلايتىن مونيتورينگ توپتار جۇمىستارىن كۇشەيتتى. مونيتورينگتىك توپتار كومەگىمەن سوڭعى ەكى كۇننىڭ ىشىندە ون شاقتى تويحانا مەن كافەدە ادامدار كوپ شوعىرلانعان جيىندار توقتاتىلىپ، تويحانا يەلەرىنە ءىرى كولەمدە ايىپپۇلدار سالىندى. ءاربىر ازامات بەتپەردە تاعىپ، الەۋمەتتىك اراقاشىقتىقتى ساقتاۋ جانە كوپشىلىك جينالعان جەرلەردەن اۋلاق بولۋ ارقىلى ينفەكتسيانىڭ تارالۋىن ازايتۋعا كومەكتەسەتىنىن تۇسىنگەنى ابزال. بىلتىرعى جاعداي قايتالانباس ءۇشىن ءبارىمىز دە ەرەكشە ساقتىق شارالارىن ساقتاۋىمىز كەرەك.

سوڭعى جاڭالىقتار

ديلليان ۋايت قاھارىنا ءمىندى

كاسىپقوي بوكس • بۇگىن، 19:10

سينگاپۋردىڭ سوڭعى اۋىلى

الەم • بۇگىن، 17:55

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار