قر ءىىم نۇسقاۋىنا سايكەس تۇركىستان وبلىسىنىڭ اۋماعىندا جەكە ادامعا قارسى قىلمىستىڭ الدىن الۋ مەن انىقتاۋعا جانە ادام ساۋداسى جايتتارىنىڭ جولىن كەسۋگە باعىتتالعان «ستوپ-ترافيك» جەدەل-پروفيلاكتيكالىق ءىس-شاراسى وتكىزىلۋدە.
اتالعان ءىس-شاراسى اياسىندا تۇركىستان وبلىسى پد كريمينالدىق پوليتسيا باسقارماسىنىڭ قىزمەتكەرلەرى جەڭگەتايلىق دەرەگىنىڭ جولىن كەستى. ءتارتىپ ساقشىلارى سارىاعاش اۋدانىنداعى قوناق ۇيلەردىڭ بىرىندە پريتون ۇيىمداستىرىپ, ينتيمدىك قىزمەت كورسەتتى دەگەن كۇدىكپەن قر ءۇش ازاماتشاسىن ۇستادى.
اتالعان جايتتى پوليتسەيلەر قر قك-ءنىڭ 309-بابى (جەزوكشەلىكپەن اينالىسۋعا ارنالعان پريتوندار ۇيىمداستىرۋ نەمەسە ۇستاۋ جانە جەڭگەتايلىق) بويىنشا سدتبت-عا تىركەدى. قازىر سوتقا دەيىنگى تەرگەۋ امالدارى جۇرگىزىلۋدە. تەرگەۋ وقيعانىڭ تولىق ءمان-جايلارىن انىقتاۋدا.
پوليتسەيلەر بۇدان بولەك, «ستوپ-ترافيك» جەدەل-پروفيلاكتيكالىق ءىس-شاراسى بارىسىندا, قوعامدىق ورىنداردا ءتيىسۋدىڭ 10 جاعدايىن انىقتاپ, ولار بويىنشا اكىمشىلىك حاتتامالار تولتىرىلدى.
سونداي-اق ءۇش ايەل پروفيلاكتيكالىق ەسەپكە قويىلدى, ەكى ادام جەكە باسىن انىقتاعانعا دەيىن قابىلداۋ-تاراتۋ ورنىنا ورنالاستىرىلدى.
ءوز كەزەگىندە تۇركىستان وبلىسىنىڭ پوليتسەيلەرى ادام ساۋداسى مەن جەڭگەتايلىققا بايلانىستى قىلمىستار ءۇشىن قاتاڭ قىلمىستىق جاۋاپكەرشىلىك بارىن ەسكە سالادى.
