قازىرگى ۋاقىتتا نۇر-سۇلتان قالاسىندا «Ashyq» جوباسىنا 61 كاسىپكەرلىك سۋبەكتىسى قاتىسىپ جاتىر. ونىڭ ىشىندە 22 فيتنەس كلۋبى, 12 سپا-ورتالىق, 4 باسسەين, 3 بوۋلينگ كلۋبى, 16 كومپيۋتەر كلۋبى, 4 ساۋنا بار.
جوبا اياسىندا كاسىپكەرلىك سۋبەكتىلەرى دەنساۋلىق ساقتاۋ مينيسترلىگىنىڭ پتر-زەرتتەۋلەر تۋرالى دەرەكتەر بازاسىمەن بىرىكتىرىلگەن «Ashyq» ءموبيلدى قوسىمشاسىمەن جۇمىس ىستەيدى. جوبانىڭ ارتىقشىلىعى — كاسىپكەرلىك سۋبەكتىلەرىنىڭ قاي ايماققا ورنالاسقانىنا قاراماستان قىزمەتىن قايتا باستاۋىنا نەمەسە جالعاستىرۋىنا بولادى.
ايتا كەتۋ كەرەك, مەكەمەگە كىرەر ساتتە كەلۋشىلەرگە تۇستەر بويىنشا مارتەبە بەرىلەدى:
– «قىزىل» مارتەبە – قوزعالىسقا شەكتەۋ, ويتكەنى ادام امبۋلاتوريالىق ەمدەلۋدە;
– «سارى» مارتەبە – ءىشىنارا شەكتەۋ, ياعني پتر ارقىلى بايلانىستا بولعان;
– «كوك» مارتەبە – پتر-انىقتامانىڭ بولۋى مىندەتتى ورىنداردان باسقا جەرلەردە قوزعالىسقا شەكتەۋلەر جوق;
– «جاسىل» مارتەبە – COVID-19-عا تەرىس ناتيجەمەن پتر-تەستىلەۋدەن وتكەن ادام ءۇشىن شەكتەۋسىز قوزعالىس.
