بەننو نويماردىڭ اتا-اناسى وسى جىلدىڭ باسىندا ءىز-ءتۇسسىز جوعالعان. بىرنەشە اپتادان كەيىن اناسىنىڭ دەنەسى وزەننەن تابىلدى. ونىڭ دەنەسىندە تۇنشىقتىرۋ ىزدەرى بارى بەلگىلى بولدى. ىزدەۋ امالدارى بارىسىندا سول وزەننىڭ كوپىرىنەن اكەسىنىڭ قان ىزدەرى تابىلعان.
29 قاڭتاردا جەرگىلىكتى پوليتسيا كۇدىكتىنى تۇتقىندايدى. العاشىندا بوديبيلدەر ءوز قىلمىسىن مويىنداماعان. الايدا كەيىنىرەك ايعاق-دالەلدەر كوبەيە باستاعان سوڭ قىلمىسىن مويىنداۋعا تۋرا كەلىپتى.
بەلگىلى بولعانداي, 30 جاستاعى جىگىتتىڭ اتا-اناسى ودان ءيتىن سەرۋەندەۋگە الىپ شىعۋىن سۇراعان. بىراق ول بۇل وتىنىشتەن باس تارتىپ, ۆيدەو ويىن ويناپ, كەيىن ۇيىقتاپ قالادى. ءتىلىن الماعان بالاسىنا اشۋلانعان اكەسى بالاسىن ۇيقىدان وياتىپ, ۇرىس سوڭى قىلمىسقا ۇلاسقان. بەننو نويمار جاي عانا تىنىشتىقتى قالاعانىن, اتا-اناسىن سول سەبەپتى ولتىرگەنىن ايتادى.
