«وقيعا ورنىنا بارلىق جەدەل قىزمەت جىبەرىلدى. پوليتسيا قىزمەتكەرلەرى «Ibis» قوناقۇيىنەن 97 ادامدى ەۆاكۋاتسيالادى. ولاردىڭ 10-ى قوناقۇي قىزمەتكەرى, جەتەۋى بانك قىزمەتكەرى, وزگەسى قوناقۇي بولمەسىن جالعا العاندار. ارنايى بولىمشە ساپەرلەرى قوناقۇيدىڭ اكىمشىلىك عيماراتىنا تەكسەرۋ جۇرگىزدى. تەكسەرۋ بارىسىندا ءبىرىنشى قاباتتا ورنالاسقان دارەتحانا بولمەسىندەگى قول جۋعا ارنالعان ورىننان جارىلعىش قۇرىلعىسىنا ۇقساس مەتالل زات تابىلدى. مەتالل كورپۋستا «مۋلياج» گراۆيروۆكاسى بار. قازىر ونى تاستاپ كەتكەن ادامدى انىقتاۋعا باعىتتالعان ارنايى جانە جەدەل-ىزدەستىرۋ ءىس-شارالارىجۇرگىزىلىپ جاتىر. اتالعان فاكتى بويىنشا قر قىلمىستىق كودەكستە «اتىس قارۋىن, وق-دارىلەردى, جارىلعىش زاتتاردى نەمەسە جارىلعىش قۇرىلعىلاردى زاڭسىز ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ» بابى بويىنشا سوتقا دەيىنگى تەرگەۋ باستالدى», دەپ حابارلادى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
