جاڭا تالاپقا سايكەس تۇرعىندار ەل اۋماعىنان سەبەپسىز شىعا المايدى. ەندى ازاماتتار ەۋروپاعا تەك جۇمىس, وقۋ, زاڭدى مىندەتتەمەلەر ءۇشىن, كوشۋ نەمەسە ۇيلەنۋ تويىنا بارا الادى جانە بىرەۋ قايتىس بولعان جاعدايدا عانا بارۋعا رۇقسات ەتىلەدى.
تالاپتى ورىنداماعان ازاماتتارعا بەس مىڭ فۋنت ستەرلينگ (شامامەن 2,9 ميلليون تەڭگە) ايىپپۇل سالىنۋى مۇمكىن. تۇرعىندار ەلدەن شىعار الدىندا ساپاردىڭ سەبەبىن كورسەتىپ, ساۋالناما تولتىرادى. ونى تولتىرۋدان باس تارتقاندارعا 200 فۋنت ستەرلينگ (116 مىڭ تەڭگە) ايىپپۇل سالىنادى.
ەگەر بيلىك شەكتەۋ شارالارىن جەڭىلدەتۋ تۋرالى شەشىم شىعارماسا, ۇلىبريتانيادا بۇل تىيىم 30 ماۋسىمعا دەيىن ساقتالادى. الايدا جاڭا تالاپ نورمان ارالدارىنا, مەن ارالىنا نەمەسە يرلاندياعا باراتىندارعا اسەر ەتپەيدى.
