جارمەڭكەنى ءداستۇرلى تۇردە قازاقستاننىڭ ۇلىبريتانياداعى ەلشىلىگى, ۇلىبريتانياداعى قازاقستاندىق دوكتورانتتار قاۋىمداستىعى جانە لوندون ۋنيۆەرسيتەتتىك كوللەدجىنىڭ قازاقستاندىق قاۋىمداستىعى (UCL Kazakh society) وتكىزدى.
ءىس-شاراعا قازاقستاننىڭ ءىرى ستراتەگيالىق جۇمىس بەرۋشىسى «سامۇرىق-قازىنا» ۇاق» اق جانە ونىڭ پورتفەلدىك كومپانيالارى – «قازاتومونەركاسىپ» ۇاك» اق, «قازاقتەلەكوم» اق جانە «سامۇرىق-قازىنا» كورپوراتيۆتىك ۋنيۆەرسيتەتى (ۋنيۆەرسيتەت), سونداي-اق «Eurasian Resources Group» (ERG) كومپانياسى, ەۋروپالىق قايتا قۇرۋ جانە دامۋ بانكى (ەقدب), «قازاقستان ۇلتتىق بانكىنىڭ ۇلتتىق ينۆەستيتسيالىق كورپوراتسياسى» اق (قۇب ۇيك), «استانا» حالىقارالىق قارجى ورتالىعى (احقو), قازاقستان-بريتان تەحنيكالىق ۋنيۆەرسيتەتى (قبتۋ) جانە باسقالار قاتىستى.
جارمەڭكەنىڭ باستى مىندەتى – بريتانيالىق جوعارى وقۋ ورىندارىنىڭ قازاقستاندىق تۇلەكتەرىنە قازاقستاندىق ۇيىمداردا قىزىقتى جۇمىسقا نەمەسە تاعىلىمدامادان وتۋگە شاقىرۋ الۋ. جۇمىس بەرۋشىلەر, ءوز كەزەگىندە, كادرلىق رەزەرۆتى قالىپتاستىرۋ ماقساتىندا جاس ماماندارمەن تانىسۋ مۇمكىندىگىنە يە بولادى. سونداي-اق بولاشاق كاسىبي مامانداردى تارتا وتىرىپ, ولاردى ءوز كومپانيالارىنىڭ قىزمەتى تۋرالى حاباردار ەتەدى.
قازاقستاننىڭ ۇلىبريتانياداعى ەلشىسى ەرلان ىدىرىسوۆ قۇتتىقتاۋ سوزىندە ەل باسشىلىعىنىڭ باستى باسىمدىعى جاستاردى قولداۋ جانە ەلدەگى ساپالى ادامي كاپيتالدى دامىتۋ ەكەنىن اتاپ ءوتتى. ول پاندەمياعا قارسى كۇرەستە عىلىم مەن ءبىلىمنىڭ زور ماڭىزدىلىعىن جانە قورشاعان ورتانى قورعاۋ سالاسىندا ۇجىمدىق ءىس-قيمىل جاساۋ قاجەتتىگىن باسا ايتتى.
لوگيستيكا جانە حالىقارالىق ىنتىماقتاستىق جونىندەگى باسقارۋشى ديرەكتور – «سامۇرىق-قازىنا» ۇاق» اق (قور) باسقارما مۇشەسى ەرجان تۇتقىشەۆ قوردىڭ پورتفەلدىك كومپانيالارىن, ءوندىرىس سالالارىن جانە جالپى ەل ەكونوميكاسىن دامىتۋ ءۇشىن جاس جانە جوعارى بىلىكتى مامانداردى تارتۋدىڭ ماڭىزدىلىعىنا توقتالدى. ول «Samruk Qyzmet» (https://qsamruk.kz/) اتتى قور كومپانيالارىنىڭ بىرىڭعاي رەكرۋتينگ پلاتفورماسىن تانىستىردى. ول پلاتفورمادا بارلىق تىلەك بىلدىرۋشىلەر قور توبىنىڭ 167 ۇيىمىنىڭ اشىق بوس ورىندارىمەن تانىسا الادى. سپيكەردىڭ ايتۋىنشا, پلاتفورمانى ەنگىزۋ ارقىلى جۇمىسقا الۋ پروتسەسىن اۆتوماتتاندىرۋ جاڭا قىزمەتكەرلەردى جالداۋدىڭ اشىقتىعىن قامتاماسىز ەتەدى.
«قازاتومونەركاسىپ» ۇاك» اق ادام رەسۋرستارىن باسقارۋ دەپارتامەنتىنىڭ ديرەكتورى ءلاززات قوجاحمەتوۆا جاس ماماندارعا ارنالعان «Izbasar» باعدارلاماسى جايلى جانە كومپانيانىڭ پاندەميا كەزىندەگى تۇراقتىلىعى تۋرالى ايتىپ, اكتسيونەرلىك قوعام باسشىلىعىنىڭ قىزمەتكەرلەر ءۇشىن قاۋىپسىز ورتا قۇرۋعا ەرەكشە نازار اۋدارعانىن ايتتى.
«قازاقتەلەكوم» اق پەرسونال جونىندەگى باسقارۋشى ديرەكتورى بەرىك بيتاباروۆ ءوز كەزەگىندە دارىندى مامانداردى «اقىلدى ءۇي», «Smart City», MSSP ونىمدەرى, بۇلتتى سەرۆيستەر جانە ت.ب. وسى سياقتى وزىق جوبالارعا قاتىسۋعا شاقىردى.
ۋنيۆەرسيتەت ديرەكتورى اقمارال قادىرباەۆا جاس ماماندارعا قور پورتفەلدىك كومپانيالارىنىڭ تسيفرلىق ترانسفورماتسياسىنىڭ ناقتى جوبالارىندا جۇمىس ىستەۋ ءۇشىن جوعارى وقۋ ورىندارىنىڭ تالانتتى تۇلەكتەرىن دايارلاۋ ماقساتىندا ۇيىمداستىرىلعان «تسيفرلىق جاز» تاعىلىمداما باعدارلاماسىمەن تانىستىردى.
ەققدب تالانتتاردى تارتۋ ءبولىمىنىڭ باسشىسى پول حيۋستون بانكتىڭ ينۆەستيتسيالىق ستراتەگيالارى مەن قاتىسۋشى ەلدەردى ينۆەستيتسيالىق قولداۋ جانە دامىتۋ باعدارلامالارى تۋرالى ايتىپ بەردى.
قبتۋ پرورەكتورى اسەل جۇماسەيىتوۆا جانە ۋنيۆەرسيتەتتىڭ باسقا دا وكىلدەرى تۇلەكتەر ءۇشىن جاسالعان مۇمكىندىكتەر تۋرالى ايتىپ, بۇۇ دامۋ باعدارلاماسى, «Honeywell», «Eni» كومپانيالارى, لافبورو ۋنيۆەرسيتەتى جانە جوبالار مەن ورتالىقتاردىڭ الۋان تۇرلەرىن تانىستىردى.
احقو ۇزدىكسىز كاسىبي دامىتۋ بيۋروسىنىڭ (احقو بيۋروسى) وكىلى ايدا كينجيگارينوۆا حالىقارالىق كاسىبي بىلىكتىلىكتەر مەن ليتسەنزيالاردىڭ باسەكەگە قابىلەتتى ەڭبەك نارىعىنداعى ماڭىزىن ەكشەلەپ بەردى. احقو بيۋروسى تاعىلىمدامالاردىڭ بىرەگەي باعدارلامالارىن, ACCA, CIMA جانە CFA سياقتى ەمتيحاندارعا دايىندىق كۋرستارىن, سونداي-اق كادرلىق رەزەرۆتىڭ كانديداتى بولۋ مۇمكىندىگىن ۇسىنادى.
قازاقستانداعى «ERG» كومپانياسىنىڭ قىزمەتكەرلەر جونىندەگى وپەراتسيالىق ديرەكتورى اقمارال نايزابەكوۆا كومپانيانىڭ جۇمىسى تۋرالى بايانداپ, ءبىرىنشى باسشىلارىنىڭ ەڭبەكتى قورعاۋ جانە كاسىپورىنداعى قاۋىپسىزدىك ماسەلەلەرىنە قاتىساتىنى, سونداي-اق وندىرىستەگى قاۋىپسىزدىكتى قامتاماسىز ەتۋگە ينۆەستيتسيا قۇياتىنى تۋرالى ايتتى.
قۇب ۇيك قىزمەتكەرلەرمەن جۇمىس جونىندەگى باسقارماسىنىڭ باسشىسى بەيبىت مامىتوۆ كومپانيانىڭ ستراتەگياسىمەن, ونىڭ قۇندىلىقتارىمەن, سونداي-اق ۇلىبريتانيانىڭ جەتەكشى جوعارى وقۋ ورىندارىنىڭ تۇلەكتەرى ءۇشىن مانساپتىق ءوسۋ مۇمكىندىكتەرىمەن تانىستىردى.
جارمەڭكە اياسىندا شەبەرلىك ساباق پەن بوس لاۋازىمدارعا ورنالاسۋ ءۇشىن قاتىسۋشىلارمەن سۇحباتتار وتكىزىلدى. ماسەلەن, «Samruk Qyzmet» جوباسىنىڭ ساراپشىسى ەلميرا ءسالىموۆا مانساپ قۇرۋ جانە مانساپتىق ءوسۋ بويىنشا شەبەرلىك ساباعىن ۇيىمداستىرىپ, ارمانداعان قىزمەتكە قول جەتكىزۋ ءۇشىن قاجەت ينسايتتارمەن, لايفحاكتارمەن جانە ناقتى كەيستەرمەن ءبولىستى.
