«جاڭا جىلعا جاڭا تارتۋ! «ناۋرىز-دۋمان« انىنە تۇسىرىلگەن تۇڭعىش بەينەباياننىڭ الەمدىك تۇساۋكەسەرى! 32 جىل شىرقالعان ءاننىڭ العاشقى بەينەبايانىن ءاز-ناۋرىزعا ءازيز ءۇمىتىن جالعايتىن بارشاعا Jevis كومانداسى ۇسىنىپ وتىر. ۇلىس وڭ بولسىن, اعايىن!», دەلىنگەن حابارلامادا.
ءاندى روزا رىمباەۆا, ءمادي سىزدىقوۆ, AYREE, قاراقات باشانوۆا, ءاMRE, ەرجان ماكسيم شىرقادى.
تانىمال ءاننىڭ ءسوزى مۇقاعالي ماقاتاەۆتىكى, ءانىن كومپوزيتور تالعات سارىباەۆ جازعان.
«ناۋرىز مەيرامىنىڭ العاش تويلانا باستاعان كەزى بولاتىن. 1988 جىلى مۇقاعالي ماقاتاەۆتىڭ كىتابىن الىپ كومپوزيتور تالعات سارىباەۆقا باردىم. اقىننىڭ «ناۋرىز-دۋمان» ولەڭىنە ءان جازىپ بەرۋىن ءوتىندىم. ءوزىمنىڭ بولاشاق تۋىندىنى قالاي كورىپ تۇرعانىمدى سوزبەن سۋرەتتەپ بەردىم. كومپوزيتور ويىمدى بىردەن ءتۇسىندى. مەن قالاعان مىنەز بەن ستيلدە ءان جازدى. جولداسىم تاسقىن وقاپوۆ – مۋزىكانىڭ بىلىكتى مامانى ەدى عوي. ءوزى رەجيسسەر, ءوزى كومپوزيتور, ءوزى ءان وڭدەۋشى بولاتىن. جاڭا تۋىندىنى بىردەن ۇناتتى. سودان «ناۋرىز-دۋماندى» تۇتاس كومپوزيتسياعا اينالدىرۋدى ۇسىندى. ونىڭ ۇسىنىسىمەن ءاننىڭ ورتاسىنا اتاقتى «شەرنياز» كۇيىن قوستىق. ءاننىڭ ۇلتتىق بوياۋى قالىڭداپ, تىنىسى كەڭىپ, قازاقتىڭ ناعىز بولمىسىن, قوناقجاي دا دارحان پەيىلىن كوز الدىڭىزعا كەلتىرەتىن انمەن تىڭدارمان وسىلايشا قاۋىشتى» دەپ ەسكە الادى قازاقستاننىڭ حالىق ءارتىسى, اتالمىش ءاننىڭ العاشقى ورىنداۋشىسى روزا رىمباەۆا.
كليپتىڭ رەجيسسەرى جانسايا كوپباەۆا, قويۋشى وپەراتورى ەركىنبەك پىتىراليەۆ, سۋرەتشىسى بەكەن نارباي. اۋەندى وڭدەۋشى ءالي وقاپوۆ.
