شيەلى اۋداندىق پوليتسيا بولىمىنە حابار كەلىپ, اۋداندىق جەدەل جاردەم ءبولىمى ماماندارى تەلەفون ارقىلى وقيعا بارىسى جونىندە حابارلاعان. قايعىلى وقيعا بۇگىن ساعات 12:45 شاماسىندا بولدى.
«اتالعان حابارلاما بويىنشا جەدەل-تەرگەۋ توبى وقيعا ورنىنا بارىپ تەكسەرۋ جۇرگىزدى. زەرتتەۋ بارىسىندا 2013 جىلعى ۇل بالا مەن 2015 جىلعى تۋىلعان قىز بالانىڭ ۇيىنە 5-8 مەتر جەردە ورنالاسقان «سۇيىندىك» قولىنىڭ ۇستىندەگى مۇزدا ويناپ ءجۇرىپ, سۋعا باتىپ قايتىس بولعانى انىقتالدى. جەرگىلىكتى ۋاقىتپەن 12 ساعات 55 مينۋتتا تۇرعىندار سۋدان ءمايىتى (كيىممەن) شىعاردى. قايعى جامىلعان وتباسىنا اۋدان اكىمدىگى تاراپىنان ماتەريالدىق كومەك كورسەتىلەتىن بولادى», دەدى شيەلى اۋداندىق اكىمدىگىنىڭ وكىلى.
