«تەمىرتاۋ قالاسىندا قالىپتاسقان ەكولوگيالىق جاعداي جەدەل شارالار قابىلداۋدى تالاپ ەتەدى. بيىل جاڭا ەكولوگيالىق كودەكس قابىلداندى, سونداي-اق بىلتىر وڭىردەگى احۋالدى جاقسارتۋ جونىندەگى جول كارتاسى بەكىتىلدى. بۇل ءىس-شارالاردىڭ بارلىعى وسى باعىتتا ءتيىمدى كورسەتكىشتەرگە قول جەتكىزۋگە مۇمكىندىك بەرەدى. تەمىرتاۋ اينالاسىندا جاسىل بەلدەۋ قۇرۋ پارمەندى شارا بولاتىنىنا سەنىمدىمىن», دەدى ە.نىسانباەۆ.
ۆيتسە-ءمينيستردىڭ ايتۋىنشا, جاۋاپتى ۆەدومستۆونىڭ جاسىل بەلدەۋدى قۇرۋدا تاجىريبەسى بار. ايتالىق, 1997 جىلى ەلوردانىڭ اينالاسىندا جاسىل بەلدەۋدى قالىپتاستىرۋ جۇمىسى قولعا الىنىپ, قازىر وتىرعىزىلعان اعاشتىڭ جالپى كولەمى 87 مىڭ گەكتار جەردى الىپ جاتىر.
«نۇر-سۇلتان قالاسىنىڭ جاسىل ايماعىن قۇرۋ كەزىندە جيناقتالعان تاجىريبە تەمىرتاۋدىڭ توڭىرەگىن جاسىل جەلەكپەن كومكەرۋ بارىسىندا دا قولدانىلادى», دەدى ۆيتسە-مينيستر.
قازاق ورمان شارۋاشىلىعى عىلىمي-زەرتتەۋ ينستيتۋتى مەن «قازگيپرولەسحوز-KZ» جوبالاۋ ينستيتۋتىنىڭ باسشىلارى جاسىل القاپتى قالىپتاستىرۋداعى تاجىريبەلەرىمەن ءبولىسىپ, ونى قۇرۋ ۇزاق ۋاقىتتى, سونداي-اق ۇلكەن قاراجاتتى تالاپ ەتەتىنىن ءتۇسىندىردى.
«اعاش وتىرعىزىپ, ونىڭ جەرسىنۋىنە توپىراق تالداۋىن جۇرگىزۋ قاجەت. وسىدان كەيىن جەر جىرتۋدى باستاۋعا بولادى. بۇل جۇمىستار ەكى جىلدان استام ۋاقىتتى الادى. سودان كەيىن عانا اعاش وتىرعىزۋعا كىرىسۋگە بولادى», دەدى ساراپشىلار.
«ارسەلورميتتال تەمىرتاۋ» كومپانياسىنىڭ باسشىلىعى ءوز كەزەگىندە جوبانى قولداۋعا جانە 500 مىڭ اعاش وتىرعىزۋعا دايىن ەكەندەرىن جەتكىزدى.
