ۆيتسە-پرەمەرمەن كەزدەسۋدە تۇرعىندار اۋىلداردىڭ وزەكتى ماسەلەلەرىن كوتەردى, ونىڭ ىشىندە م ۇلىك پەن جەر ۋچاسكەلەرىن تىركەۋ مۇمكىندىگىنىڭ جوقتىعىن ايتتى. اۋىل تۇرعىندارىنىڭ ايتۋىنشا, ەگىنشىلىك پەن مال شارۋاشىلىعىنا ارنالعان جەرلەر مەن سۋدىڭ جەتىسپەۋشىلىگى وتكىر ماسەلە بولىپ وتىرعان كورىنەدى. سونىمەن قاتار اۋىلداردا گازدىڭ جوقتىعى بايقالادى.
كەزدەسۋ قورىتىندىسى بويىنشا پرەمەر-ءمينيستردىڭ ورىنباسارى وبلىس اكىمدىگىنە تۇرعىنداردىڭ كوتەرىپ وتىرعان ماسەلەلەرىن شەشۋ بويىنشا بارلىق قاجەتتى شارالاردى قابىلداۋدى تاپسىردى. وسىلايشا وسى جىلدىڭ 1 ساۋىرىنە دەيىن اۋىل شارۋاشىلىعى جەرلەرىنە ولاردىڭ سۋمەن قامتاماسىز ەتىلۋىن ەسكەرە وتىرىپ تۇگەندەۋ جۇمىستارىنىڭ جۇرگىزىلۋى, اۋىل تۇرعىندارىنىڭ جەر ۋچاسكەلەرى مەن تۇرعىن ۇيلەرىن تىركەۋدى 31 مامىرعا دەيىن اياقتاۋ, سونداي-اق 1 قىركۇيەككە دەيىن تۇركىستان وبلىسىنىڭ 6 اۋىلىن گازبەن قامتاماسىز ەتۋ تاپسىرىلدى.
ە.توعجانوۆ اتالعان ەلدى مەكەندەردىڭ شەكارالارىن ايقىنداۋدىڭ ماڭىزدىلىعىن اتاپ ءوتىپ, وبلىس باسشىلىعىنا بيىلعى 15 ساۋىرگە دەيىن جەرگىلىكتى حالىقتىڭ قاجەتتىلىگى ءۇشىن جايىلىمدىق جەرلەردى انىقتاۋ بويىنشا ءتيىستى جۇمىستاردىڭ جۇرگىزىلۋىن, ال 20 ساۋىرگە دەيىن اۋىل شەكاراسىن تۇپكىلىكتى بەكىتۋدى تاپسىردى. سونىمەن قاتار باعىس اۋىلىندا اپاتتى مەكتەپتىڭ ورنىنا جاڭا عيمارات سالىپ, ينتەرنەت ساپاسىن كوتەرۋ ءۇشىن «Kcell» جانە «تەle-2» جەلىلەرىن جاڭعىرتىپ, 3G/4G بايلانىسىمەن قامتۋ جوسپارلانۋدا. شەكارا ماڭىنداعى اۋىلداردى دامىتۋ ماسەلەلەرى ۇكىمەتتىڭ باقىلاۋىندا.
