تەاتر • 18 ناۋرىز، 2021

تەاترمەن قايتا قاۋىشتى

28 رەت كورسەتىلدى

ءى.وماروۆ اتىنداعى قوستاناي قازاق دراما تەاترى ۇزاق ۇزىلىستەن كەيىن قايتا شىمىلدىعىن ءتۇردى. كارانتيننىڭ قۇرساۋى ءجىبىپ، مادەني نىساندار ۇزىن ارقان، كەڭ تۇساۋ تىرشىلىككە كوشكەلى تىنىمسىز دايىندىققا كىرىسكەن تەاتر ۇجىمى ناۋرىزدىڭ باسىندا كورەرمەندەرىنە «وتەلمەگەن پارىز»، «سىعان سەرەناداسى»، «كىشكەنتاي ادامنىڭ ۇلكەن تراگەدياسى» اتتى ءۇش بىردەي جاڭا قويىلىمدى ۇسىنىپ وتىر.

كوللاجدى جاساعان زاۋرەش سماعۇل، «EQ»

قازاق تەاترى 4-5 ناۋرىز كۇن­دەرى قاۋىپتى ىندەتكە قارسى الدىڭ­عى شەپتە كۇرەسكەن دارىگەر­لەر مەن پوليتسيا قىز­مەتكەرلەرىن، ۆولونتەرلەردى تەاترعا شا­قى­رىپ تەگىن سپەكتاكل كورسەتتى.

– مەملەكەت باسشىسى قاسىم-جومارت توقاەۆ ەل تاۋەلسىزدىگىنىڭ 30 جىلدىعىنا وراي «قايىرىمدى ىستەر جالپىۇلتتىق مارافونىن» ۇسىنعان بولاتىن. ءبىز وسى جوبا اياسىندا ەكى كۇن بويى «سىعان سەرەناداسى» مۋزىكالىق دراماسىن قايىرىمدىلىق سپەكتاكلى رەتىندە تەگىن قويىپ، پاندەمياعا قارسى كۇرەسكەن قاھارماندارعا دەگەن ءوز سىي-قۇرمەتىمىزدى بىلدىردىك، – دەدى تەاتر باسشىسى ءالىمحان مىرزاحان.

6 ناۋرىز كۇنى تەاتردا تو­لەن ابدىكتىڭ «قىز ءباتىش پەن ەرسەيىت» پوۆەسىنىڭ جەلىسىمەن قويىلعان «وتەلمەگەن پارىز» دراماسىنىڭ تۇساۋى كەسىلدى.

– جازۋشىنىڭ بۇل پوۆەسى وتكەن عاسىر­دىڭ 60-شى جىلدارى جازىلعان.

سوعان قاراماستان، كۇنى بۇگىنگە دەيىن وزەكتىلىگىن جوعالتپاعان شى­عارما. قازاق پايىمىندا قىزدىڭ ابىرويى – ەلدىڭ ابىرويى. ال بۇگىنگى قوعامدا كوپتەگەن قاراكوزىمىزدىڭ ار-ابىرويى تابان استىندا تاپتالىپ قالىپ جاتاتىنى جاسىرىن ەمەس. وسى ماسەلە كوپتەن بەرى جانىمدى جەگىدەي جەپ مازا بەرمەي جۇرگەن. ب ۇلىنگەن تاعدىردىڭ وبالىن ار­قالاعان بولات­جاننىڭ مەزگىلسىز ءولى­مى، جالعىز ۇلى­نان ايىرىلىپ اڭىراپ قالعان قو­جا­بەك قاريا­نىڭ تراگەدياسىن اشىپ كور­سەتەتىن تولەن ابدىكتىڭ پوۆە­سىن وقىعان سوڭ، بۇل درامانى قويا الماي تۇرا المادىم، – دەدى تەاتر­دىڭ كوركەمدىك جەتەكشىسى باتىربەك مىرزاحان.

ەڭ باستىسى، قويىلىم كورەر­مەن كوڭى­لىنەن شىقتى. راسىمەن دە، ساحنادا ءوتىپ جات­قان ءومىر كورىنىستەرى شىنايى ءارى اسەرلى. ەڭ ارتقى قاتاردا وتىر­عان سوڭ باي­قاپ وتىردىق، اق جاۋ­لىقتى انا­لاردىڭ كوبى ءالسىن-ءالسىن كوز جاسىن سۇرتە بەردى. ارتىستەردىڭ بەينە سومداۋ شەبەرلىگى دە ەرەكشە. وقيعالار جەلىسى دە سونشالىقتى جيناقى، ۇيلەسىمدى. قويىلىم اياقتالعان سوڭ كوپشىلىك ارتىس­تەردى ساحنادان جىبەرمەي ۇزاق قول شاپا­لاق­تاپ تۇرىپ الدى.  

پرەمەراعا كەلگەن كورەر­مەن­دەر­دىڭ قاتارىندا وبلىس­تىق مادەنيەت باسقار­ماسى­نىڭ باس­شىسى ەرلان قالماقوۆ تا وتىردى.

– بىرىنشىدەن، ءبىزدىڭ جەرلە­سىمىز، قازىرگى قازاق ادەبيەتىنىڭ تورىندە وتىرعان ابىزى تولەن اب­دىك سىندى قالامگەردىڭ وسى ءبىر شىعارماسى قوستاناي تەاترىن­دا ساحنالانۋىنىڭ ءوزى – ءبىز ءۇشىن ۇلكەن مارتەبە. ارتىستەردىڭ ۇل­كەن جۇمىس اتقار­عانىن وزدە­رىڭىز كورىپ وتىرسىزدار. بۇل قويى­لىمنىڭ تولىق نۇسقاسى ال­داعى ۋاقىتتا وبلىستىق تەلەارنا ەفيرىنەن كورسەتىلەدى، – دەدى باسقارما باسشىسى.

قوستاناي قازاق تەاترى جۋىر­­دا سون­داي-اق يسرايل ساپار­باي­دىڭ «سىعان سەرە­ناداسى» مۋزى­كالىق دراماسىن كورەر­مەن­دەرىنە تارتۋ ەتتى.

 

قوستاناي وبلىسى

 

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار