ايماقتار • 17 ناۋرىز، 2021

كورەرمەن «ءجاميلانى» كۇتىپ ءجۇر

62 رەت كورسەتىلدى

وبلىستىق ج.ايماۋىتوۆ اتىن­داعى مۋزىكالىق دراما تەاترى كورەرمەندەرىن كەزەك­تى 32-ءشى ماۋسىمىنا شاقىر­دى. ىندەتكە وراي جابىل­عان ونەر ورداسى ءبىر جىلعا جۋىق ۇزىلىستەن كەيىن قايتا جۇمى­سىن باستادى. بۇعان دەيىن الەۋ­مەتتىك جەلىلەردە تەاتر ۇجى­مى­نىڭ ءتۇرلى جوبالارى وتكى­زىلىپ، جۇمىس ونلاين جال­عاسقان-دى.

ال جاڭا تەاتر ماۋسىمى مۇحتار اۋەزوۆتىڭ «اباي جولى» رومان-ەپو­پەياسىنىڭ جەلىسىمەن جازىلعان «ەرتە وياندىم، ويلاندىم» قويىلى­مىمەن اشىلدى.

كورەرمەن قاۋىم ساحنادان جاس اباي­دى، اقىننىڭ بالالىق شاعىنان ەرجەتكەن ۋاقىتىنا دەيىنگى قوعام بولمىسىن، ونداعى قايشىلىقتاردى كورە الادى. تۋىندى جاس ابايمەن بىرگە ءتۇڭىلتىپ، سول ءبىر ۋاقىتتىڭ تار­تىستى قاتىگەزدىگى، قودار مەن قام­قانىڭ قيىن تاعدىرى قينالتا كۇر­سىنتەدى.

جاس اباي رولىندە تەاتردىڭ جاس اكتەرى ابزال جاقىپ وينادى.

– جاس اباي بولمىسىن، ىشكى تەبى­رەنىسىن ساحنادان بەرۋگە ۇلكەن رۋحاني دايىندىقپەن كەلدىم. ولەڭدەرىن وقىپ، «قاراسوزدەرىنە» ءۇڭىلىپ، ويلانىپ، تولعانۋ قاجەت بولدى، – دەيدى ءارتىس.

قويۋشى رەجيسسەر ادىلەت اقا­نوۆ­تىڭ ايتۋىنشا، ۇلى جازۋشى قالامىنان تۋعان شىعارما ءتىلىن ساحنادان سويلەتۋ ءۇشىن ءاربىر ءارتىس ويلانۋى، وتكەنگە ءۇڭىلۋى كەرەك. قويى­لىمنىڭ ساحناعا شىعۋىنا تەاتر ۇجىمى، بارلىق ءارتىس­ قا­تىسقان. قۇ­نانباي قاجى، ۇلجان، زەرە انالارىمىز سەكىلدى تۇلعالى وبرازدار كورىنىس تاپتى.

ءتىپتى سپەكتاكلگە كىرىسپەس بۇرىن ارتىستەر اباي اتامىزدىڭ تۋعان جەرى سەمەي ەلىنە بارىپ، وتكەننىڭ ەس­تەلىك رۋحاني شەجىرەسىمەن تانىسىپ قاي­تىپتى.

قازىر تەاتر رەپەرتۋارىندا ءا.وراز­باەۆتىڭ ء«بىر ءتۇپ الما اعاشى»، ا.ۆامپيلوۆتىڭ «مە­ترانپاج دەگەن نە؟»، ر.وتار­باەۆ­­تىڭ «عاسىر قاسىرەتى»، م.بايد­جيەۆتىڭ ء«تىل تا­بىسقاندار» قويى­لىمى مەن د.سوۆەت­­قاليدىڭ «قاس­قىر جانە جەتى لاق»، سونداي-اق م.قارت­تىڭ «الدار كوسە­نىڭ ءدۇربىسى» اتتى ەرتەگىلەرى بار.

ناۋرىز ايىنىڭ سوڭىندا كورەر­مەن­دەر شىڭعىس ايتماتوۆ­تىڭ ء«جاميلا» ليريكالىق دراما­سى­نىڭ پرەمەراسىن كۇتۋدە. بيىل كورەر­مەن كورەتىن جاقسى، مازمۇندى شىعار­مالار جالعاسىن تاپپاق.

ال تەاتر ماۋسىمىنىڭ كەش اشى­­لۋىنىڭ تاعى ءبىر سەبەبى: تەاتر عيماراتىنا جوندەۋ جۇمىسى ۋا­قىتىندا اياقتالمادى. مەردىگەر كومپانيانىڭ ساپاسىز جۇ­مىسى سوتقا بەرىلگەن. عيما­رات­تى جوندەۋگە «جۇمىسپەن قامتۋ­دىڭ جول كارتاسى-2020» مەملە­كەت­تىك باعدارلاماسى اياسىندا رەسپۋب­لي­كالىق بيۋدجەتتەن 302 ملن تەڭگە بو­لىنگەن.

 

پاۆلودار

 

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

ۇقساس جاڭالىقتار