قازاقستان • 17 ناۋرىز، 2021

جىل سوڭىنا دەيىن 836 اكىم تىكەلەي داۋىس بەرۋ ارقىلى سايلانادى

30 رەت كورسەتىلدى

بۇل تۋرالى بۇگىن سەنات جانىنداعى جەرگىلىكتى وكىلدى ورگاندارمەن ءوزارا ءىس-قيمىل جونىندەگى كەڭەس وتىرىسىندا بەلگىلى بولدى. ماۋلەن اشىمباەۆتىڭ توراعالىق ەتۋىمەن وتكەن كەزدەسۋدە جەرگىلىكتى مەملەكەتتىك باسقارۋدىڭ ءرولىن كۇشەيتۋ جانە ءماسليحات پەن سەنات دەپۋتاتتارى اراسىنداعى ىنتىماقتاستىققا قارقىن بەرۋ ماسەلەلەرى تالقىلاندى.

«سەنات دەپۋتاتتارى ۇنەمى اۋداندىق، قالالىق، وبلىستىق ماسليحاتتارمەن ءوزارا تىعىز بايلانىستا بولۋى كەرەك.  سونىڭ بارىسىندا جەرگىلىكتى دەڭگەيدەگى وزەكتى ماسەلەلەر جانە قولدانىستاعى زاڭنامانىڭ تيىمدىلىگى تالقىلانادى. ناتيجەسىندە ءبىز حالىقتى تولعاندىرعان ماسەلەلەردى انىقتاپ، ولاردى شەشۋدىڭ ءتيىمدى جولدارىن قالىپتاستىراتىن بولامىز»، دەدى ماۋلەن اشىمباەۆ.

ۇلتتىق ەكونوميكا ءمينيسترى اسەت ەرعاليەۆ ەلىمىز پرەزيدەنتىنىڭ ءوزىن-ءوزى باسقارۋدى كۇشەيتۋ جانە ءتيىستى زاڭ جوباسى تۋرالى تاپسىرمالارىنىڭ ورىندالۋ بارىسى تۋرالى سەنات جانە ءماسليحات دەپۋتاتتارىنا ايتىپ بەردى.

«ساياسي پارتيالار قاتارىنان ءوز مۇشەلەرىن ۇسىنۋ، داۋىس بەرۋگە قۇقىعى بار ءتيىستى وكرۋگ سايلاۋشىلارىنىڭ جالپى سانىنان قول جيناۋ ارقىلى كەمىندە 1% بولعان جاعدايدا ءوزىن-ءوزى  كانديداتتىققا ۇسىنا الادى، ەگەر ۇسىنىلاتىن كانديدات سانى ەكىدەن كەم بولسا،  وندا اۋدان اكىمىمەن ۇسىنۋ قاراستىرىلعان. اكىمدەردى تىكەلەي سايلاۋ وكىلەتتىك مەرزىمدەرىنىڭ اياقتالۋىنا قاراي جۇزەگە اسىرىلادى جانە جەرگىلىكتى بيۋدجەت ەسەبىنەن قارجىلاندىرىلادى. اعىمداعى جىلدىڭ ەكىنشى جارتىجىلدىعىندا تىكەلەي سايلاۋ 836 اكىمگە ءتيىستى بولادى»، دەپ اتاپ ءوتتى مينيستر ءوز سوزىندە.

سونىمەن قاتار اسەت ەرعاليەۆتىڭ ايتۋىنشا، جەرگىلىكتى جەرلەردەگى اكىمدىكتەردىڭ بيۋدجەتىن نىعايتۋ ءۇشىن ولارعا قوسىمشا سالىقتار مەن تولەمدەردىڭ 4 ءتۇرىن بەرۋ ۇسىنىلادى. ونىڭ ىشىندە، بىرىڭعاي جەر سالىعى، جەر ۋچاسكەلەرىن پايدالانعانى ءۇشىن تولەم، جەر ۋچاسكەلەرىن ساتۋدان تۇسەتىن تۇسىمدەر جانە جەر ۋچاسكەلەرىن جالداۋ قۇقىعىن ساتقانى ءۇشىن تولەم دە بار.

ماۋلەن اشىمباەۆ كەزدەسۋدى قورىتىندىلاي كەلىپ، ەلىمىز پرەزيدەنتىنىڭ وسى جانە باسقا دا باستامالارىن ىسكە اسىرۋدىڭ ناتيجەلى بولۋى زاڭنامانىڭ وزگەرۋىنە عانا ەمەس، سونداي-اق جەرگىلىكتى جەرلەردە زاڭداردىڭ قانشالىقتى ساپالى تۇسىندىرىلەتىنىنە دە بايلانىستى ەكەنىن اتاپ ءوتتى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

ۇقساس جاڭالىقتار