جۇمىس ساپارىنىڭ العاشقى كۇنى جاڭاقالا اۋدانىندا بولدى. رەسپۋبليكالىق «پاراسات جولى» ورتالىعىنىڭ باسشىسى س.تۇگەل جانە اگەنتتىك توراعاسىنىڭ كەڭەسشىسى ج.جىلقىشيەۆا اۋداندىق كىتاپحانانىڭ جانە «پاراسات جولى» ورتالىعىنىڭ جۇمىستارىمەن تانىسىپ, زيالى قاۋىم وكىلدەرىمەن كەزدەسۋلەر وتكىزدى.
اۋدان اكىمى ناۋرىزباي قاراعويشين اۋداندا جۇرگىزىلىپ جاتىرعان سىبايلاس جەمقورلىققا قارسى ءىس-قيمىل شارالارى تۋرالى اقپاراتتاندىرىپ, پاراساتتىلىقتى قالىپتاستىرۋدا رۋحاني قۇندىلىقتاردىڭ ەرەكشەلىكتەرىن اتاپ ءوتتى.
كەزدەسۋ بارىسىندا اگەنتتىك توراعاسىنىڭ كەڭەسشىسى ج.جىلقىشيەۆا ەلىمىزدە سىبايلاس جەمقورلىقتىڭ الدىن الۋ ماقساتىندا جۇرگىزىلىپ جاتىرعان جۇمىستارعا توقتالىپ, «پاراسات جولى» جوباسىنىڭ ماڭىزدىلىعى ءتۇسىندىردى.
«پاراسات جولى» جوباسى اگەنتتىك جانە مادەنيەت جانە سپورت مينيسترلىگى باستاماسىمەن باستاۋ العان. ول زيالى قاۋىم وكىلدەرىن قاتىستىرا وتىرىپ ادالدىق, پاراساتتىلىق, ادىلەتتىلىك قاعيداتتارىن قالىپتاستىرۋعا, سونداي-اق ۇلتتىق مادەنيەت پەن رۋحانيات قۇندىلىقتارىن قوعامدا ىلگەرىلەتۋگە باعىتتالعان جاڭا جوبا بولىپ تابىلادى.
شارا مودەراتورى, قازاقستان جۋرناليستتەر وداعىنىڭ جانە حالىقارالىق جازۋشىلار وداعىنىڭ مۇشەسى, اقىن ز.سيسەنعالي مۇنداي ءىس-شارانىڭ ماڭىزدىلىعىن ايتا كەلىپ, اقىن-جازۋشىلاردىڭ ەڭبەكتەرى ەرەكشەلىگىنە توقتالدى.
ءوز كەزەگىندە, اۋداننىڭ زيالى قاۋىم وكىلدەرى اتقارىلىپ جاتىرعان جۇمىستارعا بەلسەنە ارالاساتىندىقتارىن اتاپ ءوتىپ, «پاراسات جولى» جوباسىنا ساتتىلىك تىلەدى.
ەگەر سىزگە سىبايلاس جەمقورلىق فاكتىلەرى تۋرالى بەلگىلى بولسا, وندا ءسىز تاۋلىك بويى جۇمىس ىستەيتىن سىبايلاس جەمقورلىققا قارسى قىزمەتتىڭ 1424 Call-ورتالىعىنا حابارلاسا الاتىنىڭىزدى ەسىڭىزگە سالامىز.
