«ادالدىق الاڭى» جوباسىنىڭ جۇزەگە اسىرىلۋ بارىسىمەن تانىستىرىپ وتكەن اگەنتتىك وكىلى تۇرمىستىق جەمقورلىقتى جويۋدى ماقسات تۇتقان باستامانىڭ باستى مىندەتى قىزمەت كورسەتۋدە حالىققا قولايلى جاعداي جاساۋ ەكەنىن اتاپ ءوتتى.
ەلباسى نۇرسۇلتان نازارباەۆ «سىبايلاس جەمقورلىقتان ادا وڭىرلەر» جوباسى اياسىندا سىبايلاس جەمقورلىققا قارسى ستراتەگيانى ىسكە اسىرۋ كەزىندە ايماقتارعا ەلوردا تاجىريبەسىن كەڭىنەن تاراتۋدى ۇسىنعان بولاتىن. ال بۇل جوبانىڭ مەملەكەتتىك ورگانداردىڭ اشىقتىعىن قامتاماسىز ەتۋ, سىبايلاس جەمقورلىققا قارسى مادەنيەتتى قالىپتاستىرۋ جانە قوعامدىق باقىلاۋ قۇرالدارىن كۇشەيتۋ مىندەتتەرىن ءدال وسى سەرۆيستىك فورمات, فرونت-وفيستەر مەن وۋپەن-سپەيستەردىڭ ارقاسىندا جۇزەگە اسىرۋ كوزدەلىپ وتىر.
دەپارتامەنت ديرەكتورىنىڭ مالىمدەۋىنشە, قازىرگى تاڭدا «ادالدىق الاڭى» جوبالىق كەڭسەسى ەلىمىزدىڭ 19 ورتالىق مەملەكەتتىك ورگانى مەن 17 وڭىردە, «سامۇرىق-قازىنا» اق مەن ونىڭ ەنشىلەس ۇيىمدارىندا جۇمىس ىستەيدى. باسشىلارى قوعام وكىلدەرىنەن تاعايىندالعان بۇل كەڭسەلەردە قاراپايىم حالىققا قىزمەت كورسەتۋگە قولايلى جاعداي جاسالعان, ەڭ باستىسى, مەملەكەتتىك قىزمەتتەر ەلەكتروندى نۇسقادا كورسەتىلەدى.
جوبا مەملەكەتتىك قىزمەتتەردى تسيفرلاندىرۋعا ايتارلىقتاي سەرپىن بەرگەن. قازىرگى تاڭدا بۇل كورسەتكىش 93 پايىزعا جەتكەن. وسىعان وراي ەلىمىز بۇۇ-نىڭ ەلەكتروندى ۇكىمەتتى دامىتۋدىڭ الەمدىك رەيتينگىندە 29-ورىنعا تابان تىرەسە, ەلەكتروندى قاتىسۋ يندەكسى بويىنشا 26-ورىنعا كوتەرىلگەن.
بۇل رەتتە ع.اسان ۇلى IQALA جانە I-KOMEK 109 مونيتورينگ جانە جەدەل ارەكەت ەتۋ ورتالىقتارىنىڭ قىزمەتتەرىن اتاپ ءوتتى. قالالىق قىزمەتتەر مەن وڭىرلەردەگى جەر ماسەلەلەرى بويىنشا گەواقپاراتتىق جۇيەلەر جۇكتەلگەن بۇل ورتالىقتار ارقىلى كەز كەلگەن تۇرعىن وزىنە كەرەك قىزمەتتى كەدەرگىسىز الا الادى.
قالا, اۋدان, اۋىلدىق اكىمدىكتەردى سەرۆيستىك ۇلگىگە كوشىرۋ سىبايلاس جەمقورلىققا قارسى ءىس-قيمىلعا تىڭ سەرپىن بەرگەن. قازىرگى تاڭدا ەلىمىزدە 320-دان استام اكىمدىك وسى فورماتتا جۇمىس ىستەۋگە كوشكەن. بۇل – وبلىستىق ماڭىزى بار قالا مەن اۋداندار ءجۇز پايىز قامتىلدى دەگەن ءسوز. جەرگىلىكتى اكىمدىكتەر مەن «ادالدىق الاڭى» جوبالىق كەڭسەلەرىنىڭ ۇيلەسىمدى جۇمىسىنىڭ ارقاسىندا بارلىق ەلدى مەكەندەردە وزىنە-ءوزى قىزمەت كورسەتۋ بۇرىشتارى اشىلعان.
وسىلايشا بۇگىندە مەملەكەتتىك ورگاندار مەن مەكەمەلەردە 2500-گە جۋىق كەدەرگىسىز فرونت-وفيس پەن وۋپەن-سپەيس اشىلىپ, سونىڭ ارقاسىندا مەملەكەتتىك مەكەمەلەردە حالىققا كورسەتىلەتىن قىزمەتتەردى الۋ پروتسەسى جەڭىلدەتىلگەن. مۇنداي كەڭسەلەردە ازاماتتارعا وزەكتى ماسەلەلەرى بويىنشا اقپارات الۋ قولجەتىمدى ءارى جان-جاقتى كەڭەس تە بەرىلەدى. مەملەكەتتىك ءبىلىم بەرۋ جانە دەنساۋلىق ساقتاۋ مەكەمەلەرىنىڭ 5,5 مىڭنان استام ءبىرىنشى باسشىسى ىڭعايلى كابينەتتەرىنەن شىعىپ, ءبىرىنشى قاباتتاعى «اينەك كابينەتتەردە» جۇمىس ىستەۋگە كوشكەن. وسىلايشا باسشىلار دا قولجەتىمدى بولدى. ءبىر سوزبەن ايتقاندا, ەلىمىزدە باستى كورسەتكىشتەرى – اشىقتىق پەن ترانسپارەنتتىلىك بولىپ تابىلاتىن مەملەكەتتىك قىزمەتشىلەردىڭ جاڭا جۇمىس ىستەۋ ترانسفورماتسياسى باستالدى.
اگەنتتىكتىڭ بۇل باعىتتا جاي ۇيلەستىرۋشى عانا ەمەس, ءوزى ناعىز ۇلگى بولۋ قاجەتتىگىن اتاپ وتكەن دەپارتامەنت ديرەكتورى: «17 وڭىردە اگەنتتىكتىڭ سەرۆيستىك ورتالىعى اشىلىپ, بۇل الاڭداردا سىبايلاس جەمقورلىققا قارسى باستامالاردىڭ «فابريكالارىنا» اينالعان كوۆوركينگ ورتالىقتار جۇمىس ىستەيدى. وسىعان ۇقساس سەرۆيستىك «انتيكور ورتالىعى» اگەنتتىك اپپاراتىنىڭ دا جانىندا اشىلدى», دەپ اتاپ ءوتتى.
جوبا اياسىندا حالىققا كونسۋلتاتسيالىق قولداۋ جۇيەسى دە وڭ جولعا قويىلعان. بۇل تۇرعىدا كۇن سايىن وتكىزىلەتىن تۇراقتى تىكەلەي ەفيرلەر – «ادال كومەك» جانە Antikor.live جوبالارىن اتاپ وتۋگە بولادى. ازاماتتاردى قابىلداۋ ارقىلى ماسەلەنىڭ ءتۇيىنىن شەشۋدى داستۇرگە اينالدىرعان «ادالدىق الاڭىنا» وتكەن جىلى 12 مىڭعا جۋىق ءوتىنىش كەلىپ تۇسكەنىن مالىمدەگەن ع.اسان ۇلى بۇل ارىز-شاعىمداردىڭ 80 پايىزى شەشىمىن تاپقانىن دا ايتتى.
جوبادان جالپىۇلتتىق قوزعالىسقا ۇلاسقان «ادالدىق الاڭىنىڭ» ەلىمىزدەگى قوعامدىق باقىلاۋدىڭ درايۆەرىنە اينالعاندىعىنىڭ تاعى ءبىر كورسەتكىشى – جەمقورلىققا قارسى قوزعالىسقا جينالعان 80 مىڭنان استام ۆولونتەر. «قوعامداعى كەز كەلگەن وزەكتى ماسەلەگە بەيجاي قارامايتىن ازاماتتاردىڭ ارقاسىندا 300 ءدارى-دارمەكتى الىپ-ساتۋدىڭ جولى كەسىلىپ, گۋمانيتارلىق كومەك رەتىندەگى 18,3 ملن قورعانىش قۇرالى, 3,1 ملن دارىلىك زات, 428 مىڭ مەديتسينالىق جابدىق ءتيىستى ورىندارعا جەتكىزىلدى. كومپيۋتەرلەر ساتىپ الۋ كەزىندە 1,5 ملرد تەڭگەدەن استام قاراجات ۇنەمدەلىپ, ۇبت-داعى 3 مىڭعا جۋىق قاتىسۋشىنىڭ ناتيجەلەرى جويىلدى», دەپ مالىمدەدى ول.
قوعامدىق باقىلاۋدىڭ تاعى ءبىر پارمەندى تەتىگى – «اشىق بيۋدجەتتەردىڭ ينتەراكتيۆتى كارتاسى». اگەنتتىك جالپى سوماسى 14,3 ترلن تەڭگەنى قۇرايتىن 18 مىڭعا جۋىق مەملەكەتتىك مەكەمەنىڭ قارجىلىق دەرەگى ورنالاستىرىلعان كارتانى دامىتۋ ماقساتىندا «اشىق بيۋدجەت» جاڭا جوباسىن ىسكە قوسقان بولاتىن. مۇنداعى باستى ماقسات – بيۋدجەت قاراجاتىن يگەرۋ مونيتورينگىنە ازاماتتاردى كەڭىنەن تارتۋ جانە حالىقتىڭ قارجىلىق ساۋاتتىلىعىن ارتتىرۋ.
