قوعام • 16 ناۋرىز، 2021

الماتىدا «Adaldyq alańy» جوباسى ىسكە قوسىلدى

14 رەت كورسەتىلدى

الماتى قالالىق پوليتسيا دەپارتامەنتىندە جانە ونىڭ بارلىق بولىمشەلەرىندە «Adaldyq alańy» فرونت-ءوفيسى اشىلدى، دەپ حابارلايدى Egemen.kz Polisia.kz سايتىنا سىلتەمە جاساپ

كەڭسەنى پد باسشىسى قانات تايمەردەنوۆ پەن الماتى قالاسىنداعى سىبايلاس جەمقورلىققا قارسى قىزمەتتىڭ باسشىسى نىعمەدجان ساپاروۆ اشتى.

«ماقسات – سىبايلاس جەمقورلىق دەڭگەيىن تومەندەتۋ جانە حالىقتىڭ ىشكى ىستەر ورگاندارىنا دەگەن سەنىمىن ارتتىرۋ. جوبانى جۇزەگە اسىرۋعا قىزمەتتەردىڭ جانە بولىمشەلەردىڭ تاجىريبەلى قىزمەتكەرلەرى، سونداي-اق جۇرتشىلىق قاتىسادى. جوبالىق كەڭسەنىڭ باستى مىندەتى – سىبايلاس جەمقورلىققا ىقپال ەتەتىن ۇسىنىستاردى جيناۋ، قالىپتاستىرۋ، سەبەپتەر مەن جاعدايلاردى جويۋ بويىنشا جاڭا تاسىلدەر مەن شەشىمدەردى ازىرلەۋ. ولار قوعامدىق تالقىلاۋعا شىعارىلىپ، ۇجىمدىق تۇردە قارالادى»، دەپ حابارلادى الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ.

ونىڭ ايتۋىنشا، الماتىداعى «Adaldyq alańy» كەڭسەسىن بەلگىلى جۋرناليست ۆاسيلي شۋپەيكين باسقارادى. جوبا تىكەلەي ازاماتتار ءۇشىن بارلىق قولايلى جاعدايلار جاسالعان جانە بارلىق سانيتارلىق – ەپيدەميولوگيالىق ستاندارتتار ساقتالعان پد-ءنىڭ فرونت-وفيسىنەن باستالادى. مۇندا بىلىكتى ماماندار تۇرعىندارعا قۇقىقتىق كەڭەس بەرەدى. وندا ازاماتتاردىڭ مۇددەلەرى ءبىرىنشى كەزەكتە بولادى، سونىمەن قاتار اشىقتىق پەن ايقىندىلىق قامتاماسىز ەتىلەدى، قوعامنىڭ سەنىمى جانە سىبايلاس جەمقورلىققا قارسى تۇرۋ قاعيداتتارى ىسكە اسىرىلادى.

قۇقىق قورعاۋ ورگاندارىنىڭ جاڭا جۇمىس فورماتىنا كوشۋى حالىقپەن اشىق ديالوگتى قامتاماسىز ەتەدى، بۇل ازاماتتاردىڭ مەملەكەتتىك بيلىك ينستيتۋتتارىنا دەگەن سەنىمىن ارتتىرۋعا جانە سىبايلاس جەمقورلىققا قارسى مادەنيەتتى قالىپتاستىرۋعا ىقپال ەتەدى. بۇل تەحنولوگيانى قولدانۋ زاماناۋي سىبايلاس جەمقورلىققا قارسى ساياساتتىڭ بارلىق تالاپتارىنا ساي كەلەدى.

«مەملەكەتتىك ورگانداردىڭ اشىقتىعى مەن ايقىندىعى ءبىزدىڭ جۇمىسىمىزدىڭ باستى باسىمدىقتارى بولىپ تابىلادى. ءبىز بارلىق مەملەكەتتىك ورگانداردا «ادالدىق الاڭىنىڭ» فرونت-وفيستەرىن اشۋدى جالعاستىرۋدامىز. مەملەكەتتىك ورگانداردىڭ مۇنداي وزگەرىسى كۇندەلىكتى سىبايلاس جەمقورلىقتى ازايتۋعا جانە ازاماتتاردىڭ وتىنىشتەرىنە جەدەل جاۋاپ بەرۋگە مۇمكىندىك بەرەدى»، دەدى نىعمەدجان ساپاروۆ.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار