الەۋمەتتىك جەلىلەردە اتا-انالارعا بالالاردى پەداگوگتاردان جاسىرىنۋعا ۇيرەتۋگە كەڭەس بەرىلۋدە. ويتكەنى مەكتەپتەردە جاسىرىن تۇردە بالالاردىڭ بيومەتريالىق مالىمەتتەرى الىنادى جانە ولاردى كەز كەلگەن ۋاقىتتا ساباقتان بەلگىسىز باعىتتا الىپ كەتۋى مۇمكىن. بۇل اقپارات شىندىققا جاناسپايدى.
«بالاعا قاتىستى بارلىق ءىس-ارەكەتتەر اتا-انالارمەن كەلىسىلۋى كەرەك. بۇل رەتتە ساباق كەزىندە قانداي دا ءبىر ءىس-شارالار وتكىزۋگە جول بەرىلمەيدى. پەداگوگتارعا بيومەتريالىق دەرەكتەردى جيناۋدىڭ قاجەتى جوق», دەپ حابارلادى قر بعم.
قازاقستاندا جالعان اقپارات تاراتقانى ءۇشىن قر قىلمىستىق كودەكسىنىڭ 274-بابىنا سايكەس قىلمىستىق جاۋاپكەرشىلىك قاراستىرىلعان. بارشاڭىزدى تەك رەسمي اقپاراتقا عانا سەنۋگە شاقىرامىز.
