الماتى اكىمى ب. ساعىنتاەۆ Instagram-اككاۋنتىنداعى 19 پوستتىڭ ورناتىلاتىنى, ونىڭ ەكەۋىنىڭ وسى كۇندەرى جۇمىستارىن باستايتىنى تۋرالى ايتتى.
«جۇمىس ساپارىمەن قۇلجا تاس جولىندا ورناتىلعان جاڭا ەكولوگيالىق بەكەتكە باردىم. مۇندا كوپ كومپونەنتتى گاز تالداعىشتىڭ كومەگىمەن بەنزين جانە گازبەن جۇرەتىن كولىكتەن شىعاتىن ۋلى گازدىڭ قۇرامىنداعى كومىرسۋتەگى, كومىرتەگى وكسيدى, كومىرتەگى ديوكسيدى, ازوت وكسيدى, وتتەگى تەكسەرىلەدى. ديزەلدى وتىنمەن جۇرەتىن كولىكتەردەگى گازدىڭ ءتۇتىنى دە تەكسەرىلەدى», دەپ جازدى ب.ساعىنتاەۆ.
ونىڭ مالىمەنتىنشە, قالاعا كىرە بەرىستە بارلىعى 19 ەكوپوست جۇمىس ىستەيدى. جاقىندا العاشقى ەكەۋى قۇلجا تراكتىسى مەن بۇقتىرما كوشەسىندە ىسكە قوسىلادى. تەستىلىك رەجيمدەگى تەكسەرۋ كەزىندە ءتۇتىنى نورمادان اساتىن شامامەن 5 مىڭ جەڭىل جانە 1 مىڭنان استام جۇك كولىگى انىقتالدى.
جاقىندا گاز تالداعىشى مەن ءتۇتىن ولشەگىشى بار جىلجىمالى ەكوپاترۋلدەردى ىسكە قوسامىز. سونداي-اق بارلىق ەكو-بەكەتتەردە اۋا ساپاسىن ولشەپ, ونىڭ دەرەگىن ونلاين-كارتا مەن LەD-ديسپلەيدە كورسەتەتىن ستانسالار ورناتىلادى.
«بۇل – قالا ەكولوگياسىن ساۋىقتىرىپ, اتموسفەرانى لاستايتىن اۆتوكولىكتەردىڭ ۇلەسىن ازايتۋعا باعىتتالعان», دەپ اتاپ ءوتتى ب. ساعىنتاەۆ.
بۇرىن حابارلانعانداي, ەكولوگيالىق كورسەتكىشتەردى باقىلاۋدىڭ ونلاين كارتاسى مەگاپوليس تۇرعىندارىنا قورشاعان ورتانىڭ جاي-كۇيى تۋرالى, ونىڭ ىشىندە اتموسفەرالىق اۋانىڭ ساپاسى تۋرالى مالىمەتتەرگە كەڭەيتىلگەن قول جەتىمدىلىكتى قامتاماسىز ەتەدى.
جوبا الماتىنىڭ ەكولوگيالىق جاعدايى تۋرالى بارلىك قولجەتىمدى مالىمەتتەردى بىرىكتىرەتىن ديناميكالىق پلاتفورما بولىپ تابىلادى. ءار 20 مينۋت سايىن ونلاين-باقىلاۋ ستانتسيالارى اۋا جاعدايى تۋرالى اقپاراتتى جۇيەگە جىبەرەدى. ستانتسيالار اتموسفەراداعى لاستاۋشى زاتتاردىڭ كولەمىن, سونداي-اق ىلعالدىلىق, تەمپەراتۋرا, قىسىم, جەل باعىتى مەن جىلدامدىعىن ولشەيدى. بەلگىلى ءبىر كەزەڭدەگى ورتاشا ماندەر جانە ورتاشا كۇندىك بەلگىلەنگەن كولەمدە رۇقسات ەتىلگەن كونتسەنتراتسيا ماندەرى كورسەتىلەدى.
الماتى قالاسىنىڭ اكىمى ب. ساعىنتاەۆتىڭ تاپسىرماسىمەن جۇزەگە اسىرىلىپ جاتقان جوبانىڭ ماقساتى – قاراپايىم ازاماتتارعا, ساراپشىلار مەن ماماندارعا ونلاين فورماتتاعى مالىمەتتەردى بەرۋ. سونىمەن قاتار, ولاردى تالداۋ نەگىزىندە اۋا ساپاسىنىڭ جانە باسقا پارامەترلەردىڭ وزگەرۋىن بولجاۋعا مۇمكىندىك بەرەتىن مالىمەتتەر بازاسى قۇرىلادى.
