2021 جىلعى 11 ناۋرىزدا پارلامەنت سەناتىنىڭ پلەنارلىق وتىرىسىندا اتالعان زاڭ جوبا ەكى وقىلىمدا ماقۇلداندى.
قازىرگى تاڭدا ورگاننىڭ اكىمشىلىك قۇقىق بۇزۋشىلىقتاردىڭ جولىن كەسۋ فۋنكتسياسى تەك ەرەجەدە بەكىتىلگەنىن اتاپ وتكەن ءجون.
جاڭا ەنگىزىلىمدەر انتيكورعا سىبايلاس جەمقورلىق قۇقىق بۇزۋشىلىقتار بولىگىندە اكىمشىلىك پراكتيكا بويىنشا قۇزىرەتتىلىكتى تولىققاندى ىسكە اسىرۋعا مۇمكىندىك بەرەدى.
مەملەكەت باسشىسى زاڭعا قول قويعاننان كەيىن جانە تۇزەتۋلەر كۇشىنە ەنگەننەن كەيىن اگەنتتىك سىبايلاس جەمقورلىققا قارسى قاجەتتى قۇرالداردىڭ بارلىق سپەكترىنە يە بولادى.
سىبايلاس جەمقورلىققا قارسى قىزمەت كەيىن سوتتار قارايتىن اقبتك-ءنىڭ 15-بابى بويىنشا اكىمشىلىك ىستەردى قوزعايدى (حاتتامالار جاساۋ ارقىلى).
ولاردىڭ ىشىندە بارلىق اكىمشىلىك سىبايلاس جەمقورلىق قۇقىق بۇزۋشىلىقتار (اقبتك-ءنىڭ 676-681-باپتارى), كاسىپكەرلىك قىزمەت سالاسىنداعى ەكى قۇرام (اقبتك-ءنىڭ 154, 173-باپتارى) جانە مەملەكەتتىك بيلىك ينستيتۋتىنا قول سۇعاتىن بىرقاتار قۇقىق بۇزۋشىلىقتار (اقبتك-ءنىڭ 676-681-باپتارى) بار. 658, 659, 660, 661, 662, 665, 667 كواپ) بار.
اكىمشىلىك پراكتيكانى كۇشەيتۋ – انتيكوردىڭ جۇمىسىنا وڭ سەرپىن بەرەدى.
سونىمەن, ايتارلىقتاي كۇش پەن قاراجاتتى, قاتاڭ دالەلدەمەلەر بازاسىن, سوت پروتسەستەرىنە ۇزاق ۋاقىتتى قاجەت ەتەتىن قىلمىستىق شارالاردان ايىرماشىلىعى – اكىمشىلىك شارالاردى قولدانۋ ازعانا ۋاقىت پەن شىعىندى قاجەت ەتەدى.
ءبىز اكىمشىلىك كۇشتەردى ءتيىمدى پايدالانۋ ارقىلى الدىن الۋ تەتىكتەرىنىڭ – تالداۋدىڭ, مونيتورينگتىڭ, سىبايلاس جەمقورلىققا قارسى شەكتەۋلەردىڭ, ستاندارتتاردىڭ جانە ت. ب. كۇش – قۋاتىن تولىققاندى ورىستەتە الامىز.
ناتيجەسىندە, مەملەكەتكە شىعىن كەلتىرۋ جانە جىمقىرۋ تۇرىندەگى سالدارلارعا جول بەرمەي, اسا اۋىر سىبايلاس جەمقورلىق كورىنىستەرىنىڭ ۋاقتىلى الدىن الادى.
وندىرىلگەن ايىپپۇلدار ەسەبىنەن اگەنتتىك جۇمىسىنىڭ ەكونوميكالىق تيىمدىلىگىنىڭ كۇشەيۋى – ماڭىزدى ءسات سانالادى (مىسالى, لاتۆيانىڭ سىبايلاس جەمقورلىققا قارسى ۆەدومستۆوسى بىلتىر ەل بيۋدجەتىن اكىمشىلىك ايىپپۇلدار ەسەبىنەن 230 مىڭ ەۋروعا تولىقتىردى, ال 10 جىل ىشىندە بۇل سوما 3 ميلليون ەۋروعا تەڭ).
قىلمىستىق جانە اكىمشىلىك پروتسەستەر سالاسىنداعى قۇقىق بۇزۋشىلىقتارعا كەلسەك, وسى باعىتتاعى جۇمىستى كۇشەيتۋ تەرگەۋ جانە اكىمشىلىك ءوندىرىس ساپاسىنا وڭ اسەر ەتەدى, اۋرە-سارساڭعا سالۋدى, بۇزۋشىلىقتاردى بولدىرماۋعا ىقپال ەتىپ, شاعىمدار سانىن قىسقارتادى.
جالپى, ساۋاتتى اكىمشىلىك پراكتيكا – بۇل قوعامنىڭ سەنىمىن ارتتىرۋ, سىبايلاس جەمقورلىقتى ازايتۋ, ازاماتتار مەن تۇتاستاي مەملەكەتتىڭ ءال-اۋقاتىن جاقسارتۋ بويىنشا اگەنتتىكتىڭ الدىنا قويىلعان مىندەتتەردى تولىققاندى ىسكە اسىرۋ.
