CBS ارناسىنان تاراتىلعان ەكى ساعاتقا سوزىلعان سۇحبات بارىسىندا بىرقاتار تاقىرىپتىڭ باسى شالىندى. ەڭ الدىمەن, مەگان ماركل سارايداعىلار ولاردىڭ ءبىرىنشى ۇلى ارچيگە حانزادا تيتۋلى بەرىلمەيتىنىن, سايكەسىنشە كۇزەت تە تاعايىندالمايتىنىن ايتىپ ەسكەرتكەنىمەن ءبولىستى. گەرتسوگينيانىڭ ويىنشا, بۇل – بۇرىننان كەلە جاتقان ءداستۇردى بۇزۋ.
«ولاردىڭ ونداي قۇقى جوق. مەنىڭ ويىمشا, بۇل ونىڭ ناسىلىنە قاتىستى شەشىم بولدى. سوندىقتان باسقا نەمەرەلەرىنەن بولەك ەرەجەلەرگە باعىنۋعا ءتيىس-ءتى», دەدى مەگان. دەگەنمەن ساسسەكس گەرتسوگى بۇل تاقىرىپقا قاتىستى ەشتەڭە اشىپ ايتپادى. «مەن بۇل تاقىرىپقا قاتىستى ەشتەڭە ايتپايمىن. الايدا, مەنى بىرقاتار باق ۇلىمىزدىڭ ناسىلىنە قاتىستى اڭگىمە ايتقاندا وتباسىمنىڭ بۇعان قاتىستى ەش پىكىر ءبىلدىرىپ, ءبىزدى قولداماعانى قىنجىلتادى. ءتىپتى پارلامەنتتىڭ 70 مۇشەسى پىكىرىن بىلدىرگەندە, وتباسىم ءۇنسىز قالدى», دەدى گارري.
باسىلىمدار بۇل سۇحباتتان كەيىن ەكىگە ءبولىندى. ءبىرى مەگاننىڭ سۋيتسيدكە ارەكەتىن ەستىگەننەن كەيىن پاتشايىم وتباسىعا ديانا قاتىستى وقيعادان ەش ساباق تۇيمەگەنىن ايتسا, ەكىنشىلەرى كەرىسىنشە مەگاندى سىنعا الدى.
سۇحبات پاتشايىم وتباسىنا قاتىستى پىكىردى وزگەرتەرى انىق. ويتكەنى گارري تۋىستارىن سالقىن ءارى مەيىرىمسىز, تەك ماتەريالدىق قۇندىلىققا قۇنىققان ادامدار رەتىندە سۋرەتتەگەن.
بىرنەشە كۇننەن كەيىن كەمبريدج گەرتسوگى ۋيليام ءىنىسى گارريدىڭ سۇحباتىنا قاتىستى مالىمدەمە جاسادى. وتباسىنىڭ ناسىلدىك الالاۋدان اۋلاق ەكەنىن, ىنىسىمەن مىندەتتى تۇردە سويلەسەتىنىن حابارلاعان. بۇل جايتقا بيلىكتەگىلەر دە بەيجاي قاراماي, دەپۋتاتتار مەن مينيسترلەر تەرگەۋ جۇرگىزىلۋ كەرەكتىگىن ايتتى.
