ازاماتتاردىڭ قاجەتتىلىگىنە باعدارلانۋ – سىبايلاس جەمقورلىققا قارسى ساياساتتىڭ ماڭىزدى بولىگىنىڭ ءبىرى.
وسى تۇرعىدان العاندا, اشىقتىق, ايقىندىق جانە ەسەپتىلىك ارقىلى مەملەكەتتىك اپپاراتتى ترانسفورماتسيالاۋ ماڭىزدى ءرول اتقارادى.
2020 جىلدىڭ قورىتىندىسىنا سايكەس قىزىلوردا وبلىسى بويىنشا بارلىق قالا, اۋدان اكىمدىكتەرى سەرۆيستىك قىزمەت كورسەتۋگە كوشتى.
قىزىلوردا قالاسىنداعى سەرۆيستىك اكىمدىكتە 6 ءبولىم بىرنەشە مەملەكەتتىك قىزمەت ءتۇرىن كورسەتەدى. كابينەتتەر «وpen Space» فورماتىندا جۇمىس ىستەيدى.
شارا بارىسىندا «تۇرمىستىق سىبايلاس جەمقورلىق ازاماتتار ءۇشىن قولايلى جاعداي جاسالماعان جەردە تارالادى. ازاماتتار زاڭدى كومەك الۋ ءۇشىن مەملەكەتتىك قىزمەتشىگە سىيلىق بەرمەۋى ءتيىس. ادالدىق, اشىقتىق پەن ادىلدىك – ءار مەملەكەتتىك قىزمەتشىنىڭ بۇلجىمايتىن قاعيداسىنا اينالۋى ءتيىس», - دەپ اتاپ ءوتتى ولجاس بەكتەنوۆ.
سونداي-اق تۇرعىندار ء«بىر تەرەزە» قاعيداتى بويىنشا ازاماتتارعا جەدەل جانە كەدەرگىسىز قىزمەت كورسەتۋگە باعدارلانعان جەرگىلىكتى سەرۆيستىك اكىمدىكتىڭ جۇمىسىن وڭ باعالادى.
