مۇرات ايتەنوۆ كەزدەسۋ بارىسىندا تاجىكستان مەن قازاقستاننىڭ تەرەڭ تاريحى مەن ۇقساس داستۇرلەرى تىعىز قارىم-قاتىناس ورناتۋدا اسا ماڭىزدىلىققا يە ەكەنىن ايتتى. مۇرات ايتەنوۆ كەزدەسۋ بارىسىندا تاجىكستان مەن قازاقستاننىڭ تەرەڭ تاريحى مەن ۇقساس داستۇرلەرى تىعىز قارىم-قاتىناس ورناتۋدا اسا ماڭىزدىلىققا يە ەكەنىن ايتتى.
- وتكەن جىلى تمد-نىڭ مادەني استاناسى ەستافەتاسىن دۋشانبە قالاسىنا بەردىك. سيمۆول رەتىندە 2200 كىتاپ پەن قىزعالتاق, ونىمەن قوسا قالا تۇرعىندارىنىڭ دا ىستىق ىقىلاس قاعازدارىن ۇسىندىق. ءبىزدىڭ قارىم-قاتىناستارىمىز ءاردايىم ءوزارا ءتيىمدى ىنتىماقتاستىق ارناسىندا بولدى جانە ساياسي, ساۋدا-ەكونوميكالىق, عىلىمي-تەحنيكالىق جانە وزگە دە سالالاردا تابىستى دامىپ كەلەدى. شىمكەنت مەگاپوليس ستاتۋسىن العالى قارقىندى دامۋ جولىنا باعىت الدى. اگرو ايماقتار, لوگيستيكالار قۇرىلىپ جاتىر. ءبىزدىڭ باستى ماقساتىمىز - قالامىزدى حالىق ومىرىنە قولايلى جانە بيزنەس جۇرگىزۋگە ىڭعايلى مەگاپوليسكە اينالدىرۋ. وعان قول جەتكىزۋ ءۇشىن ورتالىق ازياداعى ارىپتەستەرىمىزبەن جەمىستى ىنتىماقتاستىقتى جالعاستىرۋعا مۇددەلىمىز, - دەدى شاھار باسشىسى.
ءوز كەزەگىندە حايرۋللو يبودزودا شىمكەنتتە تاجىك ۇلتتىق ءدامحاناسىن, ساۋدا ورىندارىن سالۋ جونىندە ۇسىنىسىن ءبىلدىردى.
ايتا وتسەك, 2019 جىلى قازاقستان مەن تاجىكستان اراسىنداعى ەكىجاقتى ساۋدا كولەمى $957 ملن. اقش دوللارىن قۇراعان. سونىمەن قاتار, قازاقستان مەن تاجىكستان اراسىنداعى اۆتوموبيل كولىگىمەن ەكسپورتتىق-يمپورتتىق تاسىمالداۋ كولەمى جىل سايىن ءوسىپ, 16,9 ملن تونناعا جەتكەن.
كەزدەسۋ سوڭىندا ەكى تاراپ تىعىز قارىم-قاتىناس ورناتۋعا كەلىسىپ, ەستەلىك سىيلىقتار ۇسىندى.
