ايماقتار • 11 ناۋرىز، 2021

جامبىلدا ءالى دە ءىس قۇجاتتارىن ورىسشا جۇرگىزەتىن مەكەمەلەر بار

31 رەت كورسەتىلدى

بۇگىن جامبىل وبلىستىق تىلدەردى دامىتۋ باسقارماسىنىڭ باسشىسى راحيا تۇرماحانبەتوۆا وڭىرلىك كوممۋنيكاتسيالار قىزمەتىنىڭ اقپارات الاڭىندا بريفينگ وتكىزىپ، ءتىل ماسەلەسى توڭىرەگىندە بىرقاتار مالىمەت بەردى، دەپ حابارلايدى Egemen.kz.

وڭىردە توقسان سايىن ايماقتىڭ تىلدىك احۋالى زەردەلەنىپ، بۇل ماقساتتا ايماقتاعى اتقارۋشى ورگانداردىڭ كىرىس-شىعىس قۇجاتتارىنا مونيتورينگ جاسالادى. وتكەن جىلى مەملەكەتتىك ورگاندارداعى قازاق تىلىندەگى شىعىس قۇجاتتارىنىڭ ۇلەس سالماعى 99،2 پايىزدى قۇراعان. الايدا، باسقارما باسشىسى وڭىردەگى بانك جۇيەسى مەن قۇقىق قورعاۋ ورگاندارىندا ءىس قۇجاتتارىنىڭ باسىم بولىگى ورىس تىلىندە جۇرگىزىلەتىنىن اتاپ ءوتتى.

 سونىمەن قاتار، جامبىلدىق تۇرعىنداردىڭ تىلدىك احۋالىنا وتكەن جىلى الەۋمەتتىك ساۋالناما جۇرگىزىلگەن.  ناتيجەسىندە، مەملەكەتتىك ءتىلدى مەڭگەرگەن حالىقتىڭ ۇلەسى 91،9 پايىزدى كورسەتكەن. ال، 70،5 پايىزدىق ۇلەستى مەملەكەتتىك تىلدە ەركىن سويلەيتىن، وقيتىن جانە جازاتىن ازاماتتار قۇراعان. ورىس ءتىلىن مەڭگەرگەن تۇرعىنداردىڭ ۇلەسى 93،5 پايىزدى قۇرايدى. سونداي-اق، اعىلشىن ءتىلىن بىلەتىن تۇرعىندار ۇلەسى 27،7 پايىز بولىپ وتىر. ءۇش ءتىلدى مەڭگەرگەن تۇرعىندار ۇلەسى 27،8 پايىز بولسا، مەملەكەتتىك ءتىل نورمالارىنا سايكەس كەلەتىن كورنەكى اقپاراتتى قامتۋ دارەجەسى 76 پايىزدى قۇراعان. ءوز سوزىندە راحيا تۇرماحانبەتوۆا جامبىل وبلىسىندا ءتىل ساياساتىن جۇزەگە اسىرۋعا جەرگىلىكتى بيۋدجەتتەن 157 ميلليون تەڭگەدەن استام قارجى بولىنگەنىن، بىلتىر مەملەكەتتىك ءتىلدى مەڭگەرگەن مەملەكەتتىك قىزمەتشىلەردىڭ ۇلەسى 48 پايىزدى قۇراپ، 28 پايىزعا ارتقانىىن جەتكىزدى. سونىمەن قاتار، مەملەكەتتىك قىزمەت كورسەتەتىن ۇيىم قىزمەتكەرلەرى 62،2 پايىزدى قۇراپ، 26،7 پايىزعا ارتقان. سونىمەن قاتار، وتكەن جىلى ءۇش ءتىلدى وقىتۋ بويىنشا بارلىعى 3512 تىڭداۋشى تەگىن وقۋ كۋرستارىنا جىبەرىلگەن بولسا، مەملەكەتتىك ءتىلدى وقىتۋدان 2385 تىڭداۋشى كۋرستان وتكەن. ونىڭ ىشىندە 93،8 پايىزى وزگە ۇلت وكىلدەرى.

 بريفينگ بارىسىندا باسقارما باسشىسى ايماقتا ەتنوستاردىڭ انا تىلدەرىن وقىتۋ دا جولعا قويىلعانىن، وسى باعىتتاعى وقىتۋ بويىنشا بىلتىر بارلىعى 142 ادام قامتىلعانىن دا اتاپ ءوتتى. ونىڭ ىشىندە 36 ءازىربايجان، 60 دۇنگەن، 19 كۇردى، 16 بالقار مەن 12 قىرعىز بار. ال، قازاق ءتىلىن تىلدەسۋ ارقىلى مەڭگەرتۋ، قازاق تىلىندە ويىن ەركىن جەتكىزە بىلۋگە جاقسى جاعداي جاسالعان. بۇل رەتتە TedX فورماتىندا جۇرگىزىلەتىن بارلىق اۋداندا «SÓILE» كلۋبتارى قۇرىلعان. جىل ىشىندە «SOILE» كلۋبىنىڭ 97 وتىرىسى وتكەن. ناتيجەسىندە، 1600-دەن اسا وزگە ۇلت وكىلى مەملەكەتتىك تىلدە ەركىن سويلەۋگە ۇيرەتەتىن تىلدىك ورتاعا تارتىلعان.

 

سوڭعى جاڭالىقتار

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار