ونىڭ ماقساتى – كۇندەلىكتى سىبايلاس جەمقورلىق دەڭگەيىن تومەندەتۋ جانە حالىقتىڭ ىشكى ىستەر ورگاندارىنا دەگەن سەنىمىن ارتتىرۋ. ميسسيانى جۇزەگە اسىرۋ ءۇشىن ىشكى ىستەر مينيسترلىگىنىڭ جانە حالىقتىڭ تاجىريبەلى قىزمەتكەرلەرىنىڭ اراسىنان جوبالىق توپ قۇرىلدى.
ۇجىم سىبايلاس جەمقورلىققا جاعداي تۋعىزاتىن سەبەپتەر مەن جاعدايلاردى جويۋ ءۇشىن ۇسىنىستار جينايدى, قالىپتاستىرادى, جاڭا تاسىلدەر مەن شەشىمدەر ازىرلەيدى.
ولاردىڭ بارلىعى كوپشىلىكتىڭ تالقىلاۋىنا شىعارىلادى جانە القالى تۇردە قاراستىرىلادى. جوبانى قوعام قايراتكەرى, ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) پوليتسيا رەفورماسى بويىنشا كەڭەسشىسى ەلميرا حيسامۋتدينوۆا باسقاردى. “ادالدىق الاڭى” جوباسى تىكەلەي ىشكى ىستەر مينيسترلىگىنىڭ فرونت-كەڭسەسىنەن باستالادى, ول ازاماتتارعا بارلىق قولايلى جاعدايلاردى جاسادى. قازىرگى ۋاقىتتا اۋماقتىق بولىمشەلەردە 252 ازاماتتاردى قابىلداۋ بولمەلەرى اشىلعانىن ايتا كەتۋ كەرەك, وندا بىلىكتى ماماندار حالىققا قۇقىقتىق كەڭەس بەرەدى.
سونىمەن قاتار, ىشكى ىستەر مينيسترلىگىنىڭ 1402 بىرىڭعاي سەنىم تەلەفونى جۇمىس ىستەيدى. ازاماتتار ورىن العان سىبايلاس جەمقورلىق قۇقىق بۇزۋشىلىق تۋرالى, سونداي-اق ىشكى ىستەر ورگاندارى قىزمەتكەرلەرىنىڭ باسقا زاڭسىز ارەكەتتەرى تۋرالى حابارلاۋى مۇمكىن.
