«فارماتسەۆتيكا ونەركاسىبىندە ءوندىرىس كولەمى 9,2 پايىزعا ارتتى. شىعارىلاتىن ءونىم كولەمى «حيمفارم» اكتسيونەرلىك قوعامىندا 3 ەسە جانە «نوبەل الماتى فارماتسەۆتيكالىق فابريكاسىندا» 27 پايىزعا ۇلعايدى. سالاداعى ءوسىم نەگىزىنەن حالىقتىڭ دارىلىك زاتتار مەن مەديتسينالىق بۇيىمدارعا دەگەن سۇرانىسىنىڭ ارتۋى ەسەبىنەن بولدى», دەدى 2021 جىلدىڭ قاڭتار-اقپانىندا ەلدىڭ الەۋمەتتىك-ەكونوميكالىق دامۋى جايىندا بايانداعان مينيستر.
ونىڭ دەرەگىنشە, جەڭىل ونەركاسىپتە ءوندىرىس 3,5 پايىز ءوستى. وعان كيىمنىڭ جانە بىلعارى ونىمدەردىڭ ۇلعايۋى اسەر ەتتى.
«دەزينفەكتسيالىق قۇرالدار مەن مينەرالدىق تىڭايتقىشتارعا سۇرانىستىڭ ارتۋى حيميا ونەركاسىبىنىڭ ءوندىرىس كولەمىن ارتتىردى. ءوسىم 14,1 پايىز قۇرادى. قۇرىلىس ماتەريالدارى ءوندىرىسى 122,9 پايىز بولدى. وعان پورتلاند-تسەمەنت, گيپس ءوندىرىسىنىڭ ارتۋى ەسەبىنەن قول جەتكىزىلدى», دەدى مينيستر.
