«بوتتىڭ نەگىزگى ماقساتى – شەت ەلدەردەگى ەلشىلىكتەرىمىز بەن كونسۋلدىق مەكەمەلەرىمىزدىڭ مەملەكەتتىك قىزمەتتەردى كورسەتۋ بويىنشا اقپاراتتى ءتيىمدى فورماتتا ۇسىنۋ جانە ءتۇسىندىرۋ. مىسالى, ەگەر ازاماتىمىز قازاقستان رەسپۋبليكاسىنىڭ شەت ەلدەگى وكىلدىگى ارقىلى بالانىڭ تۋ تۋرالى كۋالىگىن قالاي الۋدى, نەكەنى تىركەۋدى نەمەسە پاسپورت رەسىمدەۋدىڭ ءتارتىبىن بىلمەسە, وندا وسى بوت ارقىلى مەملەكەتتىك قىزمەتتى الۋ ءۇشىن قاجەتتى قۇجاتتاردىڭ تىزبەسى مەن مەرزىمدەرى جونىندە ءتيىستى اقپاراتتى الۋىنا بولادى», دەلىنگەن حابارلامادا.
سونداي-اق بوت قىزمەتتەردى الۋ ءۇشىن قازاقستاننىڭ شەت ەلدەردەگى وكىلدىكتەرىنە بارۋعا الدىن الا تاپسىرىس بەرۋگە مۇمكىندىك بەرەدى. ول ءۇشىن ەڭ جاقىن كونسۋلدىق مەكەمە ورنالاسقان مەملەكەت پەن قالانى تاڭداپ, بايلانىس مالىمەتتەرىن جازىپ الىپ, كۇنى مەن ۋاقىتىن تاڭداۋ قاجەت. سودان كەيىن, اتالعان مەكەمەنىڭ كونسۋلدىق قىزمەتكەرى ازاماتىمىزعا حابارلاما ارقىلى برون نەمەسە ءوتىنىمىن راستايدى نەمەسە باسقا بوس ۋاقىتتى ۇسىنادى.
بوت كونسۋلداردىڭ ازاماتتارمەن ءوزارا ءىس-قيمىل جاساۋ ساپاسىن جاقسارتۋعا جانە كورسەتىلەتىن قىزمەتتەر بويىنشا ولاردىڭ حاباردار بولۋىنا مۇمكىندىك بەرەدى.
Telegram مەسسەندجەرىندەگى «كونسۋل-كومەك» بوتى @konsul_kaz_bot سىلتەمەسى بويىنشا قولجەتىمدى.
