مينيستر قاڭتار-اقپانداعى ەلىمىزدىڭ الەۋمەتتىك-ەكونوميكالىق دامۋ قورىتىندىسى جايىندا بايانداما جاسادى. ول ءوز سوزىندە ەلىمىزدىڭ كەي وڭىرلەرى جوعارعى ينۆەستيتسيالىق بەلسەندىلىك كورسەتىپ جاتقانىن ايتتى.
«ەڭ جوعارعى كورسەتكىش ونەركاسىپ نىساندارىن سالۋ مەن ءوندىرىس قۇرىلعىلارىن الۋدىڭ ءوسۋى ەسەبىنەن شىمكەنت قالاسىندا, رەسپۋبليكالىق ماڭىزى بار اۆتوموبيل جولدارىن قايتا جاڭعىرتۋ ەسەبىنەن جامبىل وبلىسىندا, كۇن ەلەكتر ستانسالارى مەن كوپفۋنكتسيونالدى تۋريستىك كەشەن سالۋ ەسەبىنەن تۇركىستان وبلىسىندا بايقالادى», دەدى ءا.ەرعاليەۆ.
بۇدان سوڭ, ول ينۆەستيتسيا بويىنشا 4 ءوڭىر تومەن كورسەتكىش كورسەتىپ وتىرعانىن ءسوز ەتتى.
«قاراشىعاناق كەن ورنىن كەڭەيتۋ جوباسى بويىنشا قۇرىلىس-مونتاجداۋ جۇمىستارىنىڭ ازايۋى سالدارىنان باتىس قازاقستان وبلىسىندا, تەڭىز كەن ورنىن كەلەشەكتە كەڭەيتۋ جوباسى مەن ۇڭعىما ەرنەۋىنىڭ قىسىمىن باسقارۋ جوباسى بويىنشا قۇرىلىس-مونتاجداۋ جۇمىستارىنىڭ ازايۋى سالدارىنان اتىراۋ وبلىسىندا, ونەركاسىپ كاسىپورىندارىنىڭ نەگىزگى كاپيتالعا ينۆەستيتسيالار كولىمىنىڭ قىسقارۋى سالدارىنان پاۆلودار وبلىسىندا جانە كوپفۋنكتسيونالدى قوناقۇي-تۋريستىك كەشەن قۇرىلىسىنىڭ اياقتالۋى سالدارىنان ماڭعىستاۋ وبلىسىندا تومەندەۋ تىركەلدى», دەدى ول.
