«مەملەكەت باسشىسى الەۋمەتتىك كاسىپكەرلىكتى دامىتۋ ماسەلەسىنە باسا ءمان بەرىپ وتىر. بۇل سالانىڭ الەۋەتى زور. بىرقاتار دامىعان ەلدەردە الەۋمەتتىك نىساندار ەكونوميكاعا ايتارلىقتاي وڭ اسەرىن تيگىزۋدە. الەۋمەتتىك ماڭىزى بار جوبالاردى ىسكە اسىرۋ جانە الەۋمەتتىك كاسىپكەرلەرگە قولداۋ كورسەتۋ – قوعامنىڭ دامۋ كورسەتكىشتەرىنىڭ ءبىرى», دەدى سەنات توراعاسى.
سونىمەن قاتار ماۋلەن اشىمباەۆ پرەزيدەنتتىڭ تاپسىرماسىنا سايكەس پارلامەنت دەپۋتاتتارى الەۋمەتتىك كاسىپكەرلىك تۋرالى زاڭ جوباسىن دايىنداعانىن, ول قۇجات ناۋرىز ايىندا سەنات قابىرعاسىندا تانىستىرىلاتىنىن اتاپ ءوتتى.
«زاڭ جوباسى پارلامەنت دەپۋتاتتارىنىڭ باستاماسىمەن ازىرلەندى. بۇل – الەۋمەتتىك كاسىپكەرلىك تۋرالى تۇسىنىك پەن ونىڭ نەگىزگى مىندەتتەرىن بەلگىلەيتىن ماڭىزدى زاڭ جوباسى. سونداي-اق, وسى سالانى قولداۋدىڭ ناقتى تەتىكتەرىن قالىپتاستىرادى. اتاپ ايتقاندا, دەپۋتاتتار الەۋمەتتىك كاسىپكەرلەرگە سالىق جەڭىلدىكتەرىن قاراستىرۋدى, ولارعا گرانت تۇرىندە قارجىلاي قولداۋ كورسەتۋدى, نەسيەگە جانە م ۇلىكتى جالعا الۋعا سۋبسيديالار بەرۋدى ۇسىنىپ وتىر. زاڭ جوباسى ەلىمىزدەگى الەۋمەتتىك كاسىپكەرلىككە جۇيەلى قولداۋ كورسەتۋدى كوزدەيدى», دەدى سەنات سپيكەرى.
كەزدەسۋ بارىسىندا قازىرگى تاڭدا الەۋمەتتىك كاسىپكەرلەر ساۋاتتى بيزنەس-جوسپار جازۋدا جانە ينۆەستورلار مەن ارىپتەستەر تارتۋدا ءتۇرلى ماسەلەلەرگە تاپ بولاتىنى, ولاردىڭ ماركەتينگتىڭ نەگىزدەرىن بىلە بەرمەيتىنى تۋرالى دا ءسوز بولدى. سوندىقتان ماۋلەن اشىمباەۆ زاڭ جوباسىندا بۇل ماسەلەلەر ەسكەرىلىپ, سونىڭ ناتيجەسىندە الەۋمەتتىك كاسىپكەرلەردىڭ كاسىبي بىلىكتىلىگىن ارتتىراتىن وقۋلار ۇيىمداستىرۋ, كونسۋلتاتيۆتىك, مەتوديكالىق جانە اقپاراتتىق قولداۋ كورسەتۋ جۇمىستارى قاراستىرىلاتىنىن اتاپ ءوتتى.
كەزدەسۋدە «استانا» حالىقارالىق ۋنيۆەرسيتەتىنىڭ پرەزيدەنتى سەرىك يرساليەۆ الەۋمەتتىك كاسىپكەرلىك سالاسى ءۇشىن ماماندار دايارلاۋ ماسەلەسى جانە وقۋ ورنىنىڭ بازاسىندا اشىلعان «الەۋمەتتىك يننوۆاتسيالار حابىنىڭ» جۇمىسى تۋرالى ايتتى. ونىڭ سوزىنە قاراعاندا, حاب بازاسىندا الەۋمەتتىك ماسەلەلەردى شەشۋگە ارنالعان يننوۆاتسيالىق جوبالاردى جەتىلدىرۋ جانە ولاردى ىسكە اسىرۋ جۇمىستارىمەن بىرگە الەۋمەتتىك كاسىپكەرلىك سالاسىندا قولدانبالى زەرتتەۋلەر جۇرگىزىلەدى. ودان بولەك, حاب الاڭىندا الەۋمەتتىك كاسىپكەرلەر مەن الەۋەتتى ينۆەستورلاردىڭ جانە گرانت بەرۋشىلەردىڭ كەزدەسۋلەرى ۇيىمداستىرىلادى.
ءوز سوزىندە پرەزيدەنت جانىنداعى ۇلتتىق قوعامدىق سەنىم كەڭەسىنىڭ مۇشەسى ەمين اسكەروۆ مۇمكىندىگى شەكتەۋلى ازاماتتاردىڭ الەۋمەتتىك جانە قولدانبالى ماسەلەلەرىن شەشۋگە ارنالعان «مەيكاتون» رەسپۋبليكالىق بايقاۋى تۋرالى ايتتى. الداعى ۋاقىتتا بايقاۋعا قاتىسۋشىلار ءۇشىن قويىلاتىن تالاپتاردىڭ ءبىرى الەۋمەتتىك جوبالار بويىنشا بيزنەس-مودەلدەردىڭ تۇراقتىلىعى مەن ونىڭ كوممەرتسيالىق الەۋەتىنىڭ ماڭىزدىلىعى بولماق. اتالعان بايقاۋدى وسى ناۋرىز ايىندا نۇر-سۇلتان قالاسى اكىمدىگىنىڭ قولداۋىمەن وتكىزۋ جوسپارلانىپ وتىر.
سونداي-اق, كەزدەسۋ كەزىندە الەۋمەتتىك كاسىپكەرلىك وكىلدەرى سالانى دامىتۋعا قاتىستى ءوز ويلارىمەن ءبولىسىپ, بىرقاتار ناقتى ۇسىنىستارىن جەتكىزدى.
سونىمەن قاتار ءىس-شارا بارىسىندا ماۋلەن اشىمباەۆ الەۋمەتتىك از قامتىلعان وتباسىلارىنداعى دارىندى بالالارعا ارنالعان بالالار شىعارماشىلىق مەكتەبىنىڭ اشىلۋىنا قاتىستى. بۇل جەردە جەتكىنشەكتەر تاجىريبەلى ۇستازداردان, بەلگىلى سۋرەتشىلەردەن جانە قازاقستاننىڭ ەڭبەك سىڭىرگەن قايراتكەرلەرىنەن ءتالىم الادى. ءار توپتىڭ 30 پايىزى كوپ بالالى وتباسىلارىنداعى, اتا-انالارى قۇتقارۋ وپەراتسيالارىندا جانە قۇقىق قورعاۋ سالاسىنداعى قىزمەت بارىسىندا قايتىس بولعان بالالاردان قۇرالادى.
ايتا كەتەيىك, ءىس-شاراعا پرەمەر-ءمينيستردىڭ ورىنباسارى ەرالى توعجانوۆ, پەن وزگە دە مەملەكەتتىك قىزمەت وكىلدەرى, سونداي-اق, الەۋمەتتىك كاسىپكەرلىك سالاسىنىڭ بەلسەندىلەرى قاتىستى.
