«ۆەدوموستي» باسىلىمى اتاپ وتكەندەي, رەسەيدىڭ تسيفرلىق دامۋ, بايلانىس جانە بۇقارالىق اقپارات قۇرالدارى مينيسترلىگىنىڭ ۇسىنىسىن اقپاراتتىق تەحنولوگيالار يندۋسترياسىن دامىتۋ ماقساتىندا كورسەتىلگەن.
«وزگەرىس فەدەرالدى زاڭدا بەكىتىلۋى كەرەك, ونىڭ جوباسىن وسى جىلدىڭ ورتاسىنا دەيىن رەسەيلىك IT-يندۋستريانى قولداۋ شارالارىنىڭ تىزىمىنە سايكەس دايىنداۋ جوسپارلانىپ وتىر», دەلىنگەن حابارلامادا.
شەتەلدىك زاڭدى تۇلعالاردان باسقا, Facebook, YouTube, Instagram, Twitter, TikTok سەكىلدى الەۋمەتتىك جەلىلەرى ۇكىمەتتىڭ بيۋدجەتتىك جۇيەسىنە «بلوگتارىنداعى جارنامادان تۇسەتىن كىرىستەر بويىنشا بلوگەرلەرگە سالىقتى» تولەۋگە مىندەتتى بولادى.
مۇنداي قادام بلوگەرلەردەن بيۋدجەتكە تۇسەتىن كىرىستىڭ وسۋىنە اكەپ سوعادى.
BloggerBase زەرتتەۋ كومپانياسىنىڭ مالىمەتتەرىنە سايكەس, بىلتىر كورشىلەس ەلدە تەك ۆيدەوبلوگەرلەر شامامەن 18 ميلليارد رۋبل (108 ميلليارد تەڭگەدەن استام) پايدا تاپقان. جاھاندىق پاندەميانىڭ اسەرى كونتەنتكە دەگەن سۇرانىس پەن ينتەرنەتتەگى جارنامانىڭ ارتۋىنا ىقپالىن تيگىزدى.
ادەتتە, شەتەلدىك كومپانيالاردان جارناماعا تاپسىرىس قابىلدايتىن بلوگەرلەر كوبىنە-كوپ جەكە شوتىنا اقشا قابىلدايدى. قاراجاتتىڭ باسىم كوپشىلىگى دوللار كارتاسىمەن نەمەسە رۋبلمەن ەسەپتەلەدى. وسى ورايدا, مەملەكەتتىڭ قانشا قارجى جوعالتاتىنىن ناقتى ايتۋ قيىن.
رابيعا مۇرات
