مادەنيەت جانە سپورت ءمينيسترى اقتوتى رايىمقۇلوۆا مەن قىرعىز رەسپۋبليكاسىنىڭ مəدەنيەت, اقپارات, سپورت جəنە جاستار ساياساتى ءمينيسترى قايرات يماناليەۆپەن كەزدەسەدى.
وسىدان كەيىن مينيستر ءبىرتۋار جازۋشى شىڭعىس ايتماتوۆ 32 جىل تۇرعان مۋزەي-ۇيگە جانە 2000 جىلى ساياسي قۋعىن-سۇرگىن قۇرباندارىن ەسكە الۋ ماقساتىندا سالىنعان «اتا-بەيت» كەشەنىنە, «سۋپارا» ەتنو-كەشەنىنە, قىرعىز ۇلتتىق كونسەرۆاتورياسىنا بارادى.
سونىمەن قاتار قازاقستان دەلەگاتسياسىنىڭ وكىلى جىرشى, ەلىمىزدەگى جالعىز ماناسشى, قىرعىز رەسپۋبليكاسىنىڭ مەملەكەتتىك «دوستىق» وردەنىنىڭ يەگەرى بايانعالي ءالىمجانوۆ, اسلان عافۋروۆ, روزا القوجا, جەڭىس سەيدۋللا ۇلى «مادانيات-تارىح-تيل» تەلەارناسىندا تىكەلەي ەفيردە باعدارلاماعا قاتىسادى.
سونداي-اق ەكى ەلدىڭ دەلەگاتسياسى ابدىلاس مالدىباەۆ اتىنداعى قىرعىز ۇلتتىق اكادەميالىق وپەرا جانە بالەت تەاترىندا ۇلى اقىن, الەمدىك دەڭگەيدەگى ويشىل اباي قۇنانباي ۇلىنىڭ 175 جىلدىعىنا ارنالعان مەرەكەلىك ءىس-شاراعا قاتىسادى.
