تجم احۋالدىق ورتالىعىندا رەسپۋبليكالىق جەدەل شتاب جۇمىس ىستەيدى. وسىنداي شتابتار اقمولا, سولتۇستىك قازاقستان, باتىس قازاقستان, شىعىس قازاقستان ج»نە قوستاناي وبلىستارىندا جۇمىس ىستەيدى.
2021 جىلعى 10 ناۋرىزداعى جاعداي بويىنشا «قازگيدرومەت» رمك دەرەكتەرى بويىنشا 7 وڭىردە (اقمولا, اقتوبە, بقو, قاراعاندى, قوستاناي, پاۆلودار جانە سولتۇستىك قازاقستان وبلىستارىندا) داۋىلدى ەسكەرتۋ جاريالاندى.
قازىرگى ۋاقىتتا اۋا رايىنىڭ ناشارلاۋىنا بايلانىستى (بوران, قار, ناشار كورىنۋ, كوكتايعاق) 6 وڭىردە رەسپۋبليكالىق ماڭىزى بار اۆتوجولداردىڭ 12 ۋچاسكەسى جانە 51 وبلىستىق ماڭىزى بار ۋچاسكە جابىلدى, بۇل اقمولا, سولتۇستىك قازاقستان, قوستاناي, اقتوبە, شىعىس قازاقستان, باتىس قازاقستان وبلىستارى.
باتىس قازاقستان وبلىسىنداعى بەككەتتەردە 253 بىرلىك جۇك جانە جەڭىل اۆتوكولىك تۇر.
شۇعىل جۇمىستارعا تجم, ءىىم, جول قىزمەتتەرىنەن, جاو بارلىعى 423 ادام جانە 301 بىرلىك تەحنيكا جۇمىلدىرىلدى.
حالىقتى ەسكەرتۋ ماقساتىندا اۋا رايىنىڭ ناشارلاۋى تۋرالى 15 سمس-حابارلامانى تاراتىلدى, «دارمەن» موبيلدىك قوسىمشاسى ارقىلى 17 حابارلاما جىبەرىلدى.
ۋاقىتىلى اقپاراتتىق-پسيحولوگيالىق كومەك كورسەتۋ ءۇشىن وڭىرلەردە «جەدەل بايلانىس جەلىسى» ىستەيدى.
