كومپانيا 9 جىل كولەمىندە ءتۇرلى پىشىندەگى تۇيمەلەردى تاپسىرىسقا تىگىپ, ساتۋعا شىعاردى.
العاشىندا تەك اسكەري جانە ارنايى كيىمدەرگە ارنالعان تۇيمەلەردىڭ بىرنەشە ءتۇرى مەن پىشىندەرىن شىعاردى. سەبەبى تۇيمەلەردىڭ ءوندىرىسى ەسكى ءادىس بويىنشا, ياعني تۇيمەلەردىڭ ءتۇرلى پىشىندەرى مەن ولشەمدەرى ءۇشىن جەكەلەگەن پرەسس-پىشىندەردى قولدانۋ ارقىلى ءوندىرىلدى. بۇل مەكەمە ءۇشىن قوسىمشا شىعىندار بولاتىن. ولاردى دايىنداۋ دا ۇزاق ۋاقىتتى الادى.
وسى تۇستا كاسىپورىن تۇيمەلەر وندىرىسىنە يننوۆاتسيالىق تەحنولوگيالاردى ەنگىزۋ تۋرالى شەشىم قابىلدايدى. جاڭا دامۋ دەڭگەيىنە شىعۋ, تاۋار الۋشىلار سانىن ارتتىرۋ, حالىقارالىق نارىقتا باسەكەگە قابىلەتتى بولۋ ماقساتىندا يتالياندىق تۇيمەلەردى وندىرەتىن قۇرال-جابدىقتاردى ساتىپ الۋدى كوزدەيدى.
مەملەكەتتىك قولداۋمەن «دامۋ» قورى ارقىلى نەسيە الىپ, جابدىقتاردى ساتىپ الادى. جاڭا قۇرال-جابدىقتار كەڭ اسسورتيمەنتتە جەيدە, كويلەك, پالتو, كۇرتەشەلەر ءۇشىن, سونداي-اق ارنايى كيىمدەر ءۇشىن تۇيمەلەر شىعارۋعا مۇمكىندىك بەردى. «KAZPLAST» كومپانياسى «جوعارى ساپا - قول جەتىمدى جانە تەز» ۇرانىمەن جۇمىس جاسايدى. ونداعى قۇراستىرۋشى تەحنولوگتار كوپ جىلدىق ەڭبەك وتىلىمەن ءوندىرىستىڭ بارلىق سىرلارىن مەڭگەرگەن جانە ىسكە شىعارماشىلىقپەن قارايدى.
سونىمەن قاتار, كومپانيانىڭ باسشىسى تابىستى كاسىپكەر, ءارى ەكى بالانىڭ اناسى دانا جۇماباەۆا ءوز كاسىبىنىڭ اياسىن ۇنەمى كەڭەيتىپ وتىرۋدى ءجون كورەدى. «بۇگىنگى تاڭدا مەملەكەتتىك باعدارلامالار وتە كوپ. قازىرگى ۋاقىت - ناعىز سول قولداۋدى پايدالانا وتىرىپ, كاسىپ اشىپ, ونى دوڭگەلەتەتىن كەزەڭ. مەملەكەت تاراپىنان بەرىلگەن قولداۋ ماعان دا باتىل شەشىم قابىلداۋىما كومەكتەستى» دەيدى كومپانيا باسشىسى.
شىمكەنت قالاسى اكىمدىگىنىڭ ءباسپاسوز قىزمەتى
