كاميلجان عافۋرجان ۇلىنىڭ وقۋشىلارى ماتەماتيكادان حالىقارالىق, رەسپۋبليكالىق ءپان وليمپيادالارىندا تەك جوعارى ورىنداردى يەلەنگەن.
عىلىم مەن ءبىلىم كۇن سايىن ەمەس ءار سەكۋندتا دامىپ وتىر. كوشكە ىلەسۋ ءۇشىن تىنىمسىز ىزدەنىسپەن بىرگە شەت ءتىلىن دە جەتىك ءبىلۋ قاجەت. سوندىقتان الدىما ماقسات قويىپ, ءوز بەتىمشە اعىلشىن ءتىلىن ۇيرەنە باستادىم. شاكىرتتەرىم تەحنولوگياسى وزىق ەلدەردە ءبىلىم الىپ, ءوز ەلىمىزدىڭ دامۋىنا ۇلەس قوسسا ەكەن دەپ ارماندادىم. 2019 جىلى شەت ءتىلىن جەتىك مەڭگەرىپ, وقۋشىلارعا ەكى تىلدە ساباق ءوتۋدى باستادىم, دەيدى ك.يساكجانوۆ.
ۇستازدىڭ 28 شاكىرتى ۇبت سىناعىندا ەڭ جوعارى بالل جيناپ, ەلىمىزدەگى ەڭ بەدەلدى نازارباەۆ جانە وزگە دە جوعارى وقۋ ورىندارىنىڭ ستۋدەنتى بولۋىنا اتسالىسىپ ءجۇر. ۇبت قورىتىندىسى بويىنشا ماتەماتيكالىق ساۋاتتىلىق ءپانىنىڭ ورتاشا بالى – 17 بالل, ماتەماتيكا ءپانىنىڭ ورتاشاسى 30 بالل كورسەتكىشكە يە بولدى.
ساباق بارىسىندا زاماناۋي جاڭا ءادىس-تاسىلدەردى قولدانا وتىرىپ, باسەكەگە قابىلەتتى شاكىرتتەر تاربيەلەگەن ۇستاز ەلىمىزدەگى وزگە ارىپتەستەرىمەن وقىتۋ ىسىندەگى تاجىريبەسىن ءبولىسىپ كەلەدى.
شىمكەنت قالاسى اكىمدىگىنىڭ ءباسپاسوز قىزمەتى
