ۆەدومستۆو مالىمەتىنشە, 101 پۋلتىنە 5 ناۋرىز كۇنى ساعات 18.33-تە اققايىڭ اۋدانى لەنينسكوە ەلدى مەكەنىندە باسپانادان ءورت شىققانى جونىندە حابار تۇسكەن. وقيعا ورنىنان ەر ادامنىڭ دەنەسى تابىلدى. ءورتتىڭ شىعۋىنا گاز ۇستىندە قالعان تاماق سەبەپ بولعان. ءورت سوندىرۋشىلەر كەلگەنشە دەيىن ءيىس تيگەن ەر ادامنىڭ دەنەسىن ۇيدەن ايەلى الىپ شىقتى. جالىن ءبىر شارشى مەتر اۋماقتى شارپىعان.
«قىزىلجار اۋدانى نادەجكا ەلدى مەكەنىندە ءورت شىققاندىعى جونىندە حابار 7 ناۋرىز كۇنى ساعات 16.19-دا ءتۇستى. وقيعا ورنىنا بىردەن كەزەكشى قاراۋىل اتتاندى. ارا قاشىقتىق – 45 شاقىرىم. تەك 58 مينۋتتەن كەيىن عانا جەتتى. ءورت سوندىرۋشىلەر كەلگەندە باسپانا جالىنعا ورانىپ ۇلگەرىپتى, گاز باللونى جارىلعان. قار قۇرساۋىندا قالعان ۇيگە جەتۋ قيىندىق تۋعىزدى. 400 مەتردەي جەردەن سوندىرۋگە تۋرا كەلدى. الايدا باسپانا دا, قاسىنداعى كولىك تە تولىق جانىپ كەتتى», - دەيدى سقو تجد باسقارماسىنىڭ باستىعى رۇستەم جۇماعاليەۆ.
ۇيدە ەر ادام جالعىز تۇرعان. ونىڭ ايتۋىنشا, بولمەدە تەمەكى شەككەن, ءورت سودان شىققان.
جالپى جىل باسىنان سقو-دا 145 ءورت تىركەلدى, 22 ادام مەرت بولدى, سونىڭ ەكەۋى - بالا. 22 ادام ءتۇرلى دەنە جاراقاتىن الدى. كەلگەن شىعىن مولشەرى – 71 ملن تەڭگەدەن اسادى. ورتتەردىڭ 77 %-ى جەكە تۇرعىن ءۇي سەكتورىندا بولعان.
