مينيسترلىك ءباسپاسوز قىزمەتىنىڭ مالىمەتىنشە, ەلدە كوروناۆيرۋسقا قارسى ۆاكتسينانى تەز ازىرلەپ, اۋرۋدىڭ بۇل ءتۇرىن ەمدەۋ جولدارى قاراستىرىلادى. ەرىكتىلەردىڭ ءبىرىنشى توبىمەن Royal Free Hospital اۋرۋحاناسىنىڭ ماماندارى جۇمىس ىستەپ جاتىر. ولار كوروناۆيرۋس سيپاتتامالارىن زەرتتەۋمەن اينالىسادى.
ودان بولەك, عالىمدار SARS-CoV-2-گە ادامنىڭ يممۋندىق جۇيەسى اسەرى قانداي بولارىن جانە ينفەكتسيا جۇقتىرعان ادام ۆيرۋس بولشەكتەرىن قالاي تاراتاتىنىن زەرتتەمەك. بۇعان دەيىن ءدال وسىنداي زەرتتەۋ جۇمىستارى تۇماۋ مەن بەزگەك اۋرۋلارىنا قارسى ۆاكتسينا دايىنداۋ كەزىندە جاسالعان. سوڭعى زەرتتەۋگە جاس ءارى دەنساۋلىعى جاقسى ادامدار تاڭدالعان. ولارعا ۆيرۋستىڭ از عانا دوزاسىن سالادى. زەرتتەۋگە جالپى 90 ادام قاتىسادى دەپ جوسپارلانعان.
