مەدەۋ اۋدانىندا ينتيمدىك سيپاتتاعى قىزمەتتەر كورسەتەتىن جەزوكشەلەر ءۇيى انىقتالدى. وندا 20-دان 33 جاسقا دەيىنگى قىزدار اقشالاي سىياقى ءۇشىن ءوز كليەنتتەرىنە بودي ماسساج جاساۋمەن اينالىسقان.
– مۇنداي ماسساج پروتسەدۋراسىنىڭ قۇنى شامامەن 20 مىڭنان 40 مىڭ تەڭگەگە دەيىنگى سومانى قۇرايدى. جەكە ءۇيدىڭ عيماراتىندا الكوگولدىك ىشىمدىكتەرگە تولى بار جانە دەمالىس بولمەلەرى بولعان. جەتى قىزدىڭ التاۋى – ءار وبلىستان كەلگەن وتانداستارىمىز, ال بىرەۋى – وزبەكستان رەسپۋبليكاسىنىڭ ازاماتشاسى. مۇنداي بودي ماسساج ينتيمدىك قىزمەت ءتۇرى دەپ سانالادى جانە جەزوكشەلىكپەن تەڭەستىرىلەدى, سايكەسىنشە مۇنداي قىزمەت ءتۇرىن ۇسىنۋشىلار بازاعا جەزوكشەلىكپەن اينالىساتىن ادامدار رەتىندە ەنگىزىلەدى. جەكە باسىن انىقتاۋ جانە ءتيىستى شارالار قابىلداۋ ءۇشىن بارلىق “ماسساجيستەر” پوليتسيا باسقارماسىنا جەتكىزىلدى, – دەپ حابارلادى الماتى قالالىق پد كريمينالدىق پوليتسيا باسقارماسىنىڭ باستىعى ەركىن ىڭكاروۆ.
