قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترىنىڭ تاپسىرماسىن ورىنداۋ ماقساتىندا .KZ جانە (نەمەسە) .قاز تىركەلگەن دومەندىك اتاۋلارى بار ينتەرنەت-رەسۋرستاردى پايدالانۋدىڭ ىڭعايلىلىعى مەن قاۋىپسىزدىگىن ارتتىرۋعا باعىتتالعان ينتەرنەتتىڭ قازاقستاندىق سەگمەنتىنىڭ كەڭىستىگىندە دومەندىك اتاۋلاردى تىركەۋ, پايدالانۋ جانە ءبولۋ قاعيدالارىنا (قازاقستان رەسپۋبليكاسى قورعانىس جانە اەروعارىش ونەركاسىبى ءمينيسترىنىڭ 2018 جىلعى 13 ناۋرىزداعى № 38/نق بۇيرىعى) تۇزەتۋلەر ازىرلەۋ باستالدى.
وسىعان بايلانىستى, ءاربىر قازاقستاندىق ينتەرنەتتىڭ قازاقستاندىق سەگمەنتىنىڭ كەڭىستىگىن قورعاۋدى كۇشەيتۋ, دومەندىك اتاۋدى پايدالانۋعا قاتىستى ءوز قۇقىقتارىن كەڭەيتۋ جانە وسى سالاداعى قاعيدالاردى جاقسارتۋ بويىنشا ءوز ۇسىنىستارىن ەنگىزە الادى.
ۇسىنىستار 2021 جىلعى 25 ناۋرىزعا دەيىن تومەندەگى تاسىلدەرمەن قابىلدانادى:
- «ەلەكتروندىق ۇكىمەت» پورتالىندا ەلەكتروندىق تۇردە;
- kib@mdai.gov.kz ەلەكتروندىق پوشتاعا;
- پوشتا ارقىلى مىنا مەكەنجايعا: 010000, نۇر-سۇلتان قالاسى, ماڭگىلىك ەل داڭعىلى, 8, مينيسترلىكتەر ءۇيى, 2-كىرەبەرىس.
جينالعان ۇسىنىستار بىرىڭعاي قاعيدالاردا قالىپتاستىرىلادى. كەيىن, ءوز كەزەگىندە «اشىق نقا» پورتالى ارقىلى قوعامدىق قاراۋعا شىعارىلاتىن بولادى.
مازمۇنى بويىنشا ۇسىنىستار نەگىزدى ءارى دالەلدى بولۋعا, سونداي-اق كونستيتۋتسيامەن كەپىلدىك بەرىلگەن ادام قۇقىقتارى مەن بوستاندىقتارىن بۇزباۋعا ءتيىس ەكەنىن اتاپ وتكەن ءجون.
