«2021 جىلعى 9 ناۋرىزداعى جاعداي بويىنشا «قازگيدرومەت» رمك دەرەكتەرى بويىنشا 8 وڭىردە (اقمولا, اقتوبە, بقو, قاراعاندى, قوستاناي, قىزىلوردا, سقو جانە ماڭعىستاۋ) داۋىلدى ەسكەرتۋ جاريالاندى. تجم احۋالدىق ورتالىعىندا رەسپۋبليكالىق جەدەل شتاب جۇمىس ىستەيدى. وسىنداي شتابتار اقمولا, پاۆلودار, قاراعاندى, قوستاناي, سقو, شقو جۇمىس ىستەيدى», دەلىنگەن قر تجم ءباسپاسوز قىزمەتى تاراتقان مالىمەتتە.
قازىرگى ۋاقىتتا اۋا رايىنىڭ ناشارلاۋىنا بايلانىستى (بوران, قار, ناشار كورىنۋ, كوكتايعاق) 7 وڭىردە رەسپۋبليكالىق ماڭىزى بار اۆتوجولداردىڭ 8 ۋچاسكەسى جانە 60 وبلىستىق ماڭىزى بار ۋچاسكە جابىلدى, بۇل اقمولا, اقتوبە, سولتۇستىك قازاقستان, قوستاناي, باتىس قازاقستان وبلىستارى.
شۇعىل جۇمىستارعا تجم, ءىىم, جول قىزمەتتەرىنەن, جاو بارلىعى 842 ادام جانە 513 بىرلىك تەحنيكا جۇمىلدىرىلدى. حالىقتى ەسكەرتۋ ماقساتىندا اۋا رايىنىڭ ناشارلاۋى تۋرالى 27 سمس-حابارلامانى تاراتىلدى, «دارمەن» موبيلدىك قوسىمشاسى ارقىلى 47 حابارلاما جىبەرىلدى.
