«نودۋليارلىق دەرماتيتكە قارسى ءىس-قيمىل ماقساتىندا «بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى» رمك 2019 جىلى ۆاكتسينا ازىرلەندى جانە قازىر وسى اۋرۋعا قارسى ۆاكتسينا اۋىل شارۋاشىلىعى مينيسترلىگىنە جەتكىزىلىپ جاتىر.
بۇگىنگى تاڭدا قازاقستانعا شەكارالاس رەسەي فەدەراتسياسى وبلىستارىندا جوعارى پاتوگەندى قۇس تۇماۋىنىڭ (جپت) جانە افريكالىق شوشقا وباسىنىڭ وشاقتارى تىركەلۋدە. ەپيزووتيالىق احۋال 2020 جىلعى تامىزدان قاراشاعا دەيىن ەلىمىزدىڭ 8 وبلىسىندا جپت-نىڭ 95 وشاعى تىركەلگەنىن كورسەتەدى», دەپ جازدى اسقار مامين دەپۋتاتتىق ساۋالعا بەرگەن جاۋابىندا.
ونىڭ ايتۋىنشا, جپت ءورشۋى كەزەڭىندە ۆەتەريناريالىق پرەپاراتتاردىڭ رەسپۋبليكالىق قورىنان قۇستاردى ءماجبۇرلى تۇردە ۆاكتسيناتسيالاۋدى جۇرگىزۋ ءۇشىن 220,7 ملن تەڭگەگە جوسپاردان تىس قوسىمشا 4,3 ملن دوزا ۆاكتسينا ءبولىندى. جوسپارلى پروفيلاكتيكالىق شارالار اياسىندا قۇستاردى جوسپارلى ۆاكتسيناتسيالاۋ ءۇشىن جپت-عا قارسى ۆاكتسينانىڭ 3,4 ملن دوزاسى بولىنگەن. ۆەتەريناريالىق-سانيتارلىق تالاپتارعا سايكەس جپت-مەن اۋىراتىن بارلىق قۇستار جويىلدى جانە ولاردىڭ يەلەرىنە ورتاشا ايلىق نارىقتىق قۇنى بويىنشا وتەم جاسالدى. جوعارىدا كورسەتىلگەن كەزەڭدە بارلىعى 1,971 ملن قۇس تاركىلەندى جانە جويىلدى, ونىڭ 97%-ى 4 قۇس فابريكاسىنا تيەسىلى (سولتۇستىك قازاقستان وبلىسى – 2, قوستاناي وبلىسى – 1 جانە الماتى وبلىسى – 1).
«2020 جىلدىڭ قورىتىندىسى بويىنشا ۇكىمەت تاركىلەنگەن جانە جويىلعان اۋرۋ قۇستاردىڭ قۇنىن وتەۋ ءۇشىن رەسپۋبليكالىق بيۋدجەتتەن 3 ملرد تەڭگە ءبولدى. سونىمەن بىرگە قر باس پروكۋراتۋراسى انىقتاعان بۇزۋشىلىقتاردى جويۋ بويىنشا 2021-2023 جىلدارعا ارنالعان ءىس-شارالار جوسپارى ازىرلەندى جانە بەكىتىلدى. اتالعان شارالار جوسپارى اۋىل شارۋاشىلىعى جانۋارلارىن سايكەستەندىرۋ, ۆەتەريناريالىق-پروفيلاكتيكالىق ءىس-شارالاردى جوسپارلاۋ, ۆەتەريناريالىق پرەپاراتتاردىڭ ساپاسىن باقىلاۋ, ۆەتەريناريا سالاسىندا اعارتۋ جۇمىستارىن جۇرگىزۋ جانە تسيفرلاندىرۋ قىزمەتتەرىن نىعايتۋعا باعىتتالعان شارالاردى قامتيدى», دەيدى ا. مامين.
